मैत्रिणीच्या लग्नात आलिया भट्टचा 'जलेबी बाई' गाण्यावर फुल टू राडा; पाहा VIDEO

मुंबई, 14 मार्च: बॉलीवूड अभिनेत्री आलिया भट्ट (Alia Bhatt) सोशल मीडियावर बरीच अ‍ॅक्टिव्ह असते. ती अनेकदा आपल्या गर्लगँगबरोबर फोटो शेअर करत असते. आलिया आपल्या मित्रिणींसोबत चिल आऊट करताना दिसत असते. अलीकडेच आलियाचा एक व्हिडीओ समोर आला आहे, ज्यामध्ये ती तिच्या बेस्ट फ्रेंडच्या लग्नात डान्स (Alia Bhatt Dance in Marriage) करताना दिसत आहे. हा व्हिडीओ सोशल मीडियावर चांगलाच व्हायरल (Viral Video) झाला आहे. ज्यामध्ये आलिया तिच्या बेस्ट फ्रेन्डच्या लग्नात गर्लगँगसोबत मस्ती करताना दिसत आहे. खरंतर आलिया भट्टची मैत्रीण रिया खुरानाचं लग्न नुकतचं पार पडलं आहे. या लग्नाला हजेरी लावण्यासाठी आलिया थेट राजस्थानमध्ये पोहोचली आहे. लग्नाच्या संगीत कार्यक्रमात आलिया तिच्या मैत्रिणींसोबत धमाल करताना दिसली आहे. त्यांच्या डान्सचे अनेक व्हिडीओ सोशल मीडियावर व्हायरल होतं आहेत. यातील एका गाण्यात ती आपल्या मैत्रिणींसोबत बॉलीवूडचा प्रसिद्ध रॅपर बादशाहच्या सुपरहिट 'गेंदा फूल' गाण्यावर डान्स करताना दिसतेय.

View this post on Instagram

A post shared by Viral Bhayani (@viralbhayani)

तर दुसऱ्या एका व्हिडीओत आलिया 'जलेबी बाई' या गाण्यावर थिरकतानाही दिसतेय. या गाण्यावर तिने तिच्या मैत्रिणींसोबत जबरदस्त ठुमके लावून लग्नात एक आनंदाचं वातारण तयार केलं आहे.

View this post on Instagram

A post shared by FAN GIRL 💫 (@aliabhatt_fantasy)

व्हिडिओमध्ये आलियाने गुलाबी रंगाचा लेहंगा घातलेला दिसतो. ज्यात ती खूपच सुंदर  दिसत आहे. या लग्नातील अनेक फोटोही समोर आले आहे. (वाचा-ड्रेसिंग सेन्सवरून अनन्या पांडेला नेटकऱ्यांनी डिवचलं; चीअर लीडरशी केली तुलना) आलिया अलीकडेच तिच्या 'गंगूबाई काठियावाडी' या चित्रपटाच्या टीझरमुळे चर्चेत आली होती. तिच्या या टीझरला चाहत्यांनी चांगलीचं पसंती दिली आहे. याशिवाय ती लवकरच रणबीर कपूरसोबत 'ब्रह्मास्त्र' या बहुचर्चित चित्रपटात दिसणार आहे. हा चित्रपट यावर्षी जुलै महिन्यात प्रदर्शित होणार आहे. त्याचबरोबर आलिया बाहुबली चित्रपटाचे दिग्दर्शक एस.एस. राजामौलीच्या आगामी 'आरआरआर' (RRR) या चित्रपटातही दिसणार आहे.