SELFIEE: अक्षय कुमारचा 'सेल्फी' येणार भेटीला! पहिल्यांदाच इम्रान हाश्मीसोबत जमली जोडी

मुंबई,12 जानेवारी-   बॉलिवूड   (Bollywood)  अभिनेता अक्षय कुमार   (Akshay Kumar)  आपल्या प्रत्येक चित्रपटातून धम्माल करत असतो. चाहते त्याच्या हटके स्टाईलला फारच पसंत करतात. आता अभिनेता अक्षय कुमारला इम्रान हाश्मीची   (Imran Hashmi)  साथ मिळणार आहे. अक्षय आणि इम्रान ही फ्रेश जोडी लवकरच आपल्याला मोठ्या पडद्यावर पाहायला मिळणार आहे. हे दोघेही 'सेल्फी' या चित्रपटातून आपल्या भेटीला येत आहेत. नुकताच याबाबदलची माहिती सोशल मीडियावर शेअर करण्यात आली आहे. अभिनेता अक्षय कुमारने नुक्ता आपल्या इन्स्टाग्राम अकाऊंटवर एक पोस्ट शेअर केली आहे. या पोस्टमुळे चाहते फारच उत्सुक झाले आहेत. कारण ही पोस्ट अक्षय कुमारच्या आगामी चित्रपटाच्या बाबतीत आहे. अक्षय कुमार आगामी काळात 'सेल्फी' या चित्रपटात झळकणार आहे. या चित्रपटात इम्रान हाश्मीसोबत त्याची जोडी जमली आहे. हे दोघे पहिल्यांदाच एकत्र पाहायला मिळणार आहेत त्यामुळे चाहते फारच आनंदी आहेत. चित्रपटाचं शूटिंग लवकरच सुरु असल्याचं अक्षय कुमारनं आपल्या पोस्टमध्ये म्हटलं आहे.

View this post on Instagram

A post shared by Akshay Kumar (@akshaykumar)

अक्षय कुमारने शेअर केलेला ४६ सेकंदचा हा टीजर फारच इंटरेस्टिंग आहे. टीजरची सुरुवात अक्षय कुमारपासून होते. यामध्ये अक्षय एक वाद्य वाजवताना दिसून येत आहे. त्यांनतर बाईकवरून इम्रान हाश्मीची एन्ट्री होते. यामध्ये हे दोघेही बस डेपोसमोर असल्याचं दिसून येत आहे त्यांच्या आजूबाजूला बस उभ्या आहेत. शिवाय हे दोघे 'सेल्फी' या टायटल सॉन्गवर ग्रुप डान्स करताना दिसून येत आहेत. टीजर पाहून चाहते भरभरून कमेंट्स करत आहेत. तसेच चाहते इम्रान आणि अक्षयला एकत्र पाहण्यासाठी फारच उत्सुक दिसून येत आहेत. (हे वाचा: शहनाज गिलनं केलं नवं PHOTOSHOOT! अभिनेत्रीचे ग्लॅमरस फोटो पाहून चाहते घायाळ) काही वेळेपूर्वी अक्षय कुमारने आपल्या इन्स्टाग्राम अकाऊंटवर दोन पोस्ट शेअर केल्या होत्या.पहिल्या पोस्टमध्ये अक्षयने आपला फोटो शेअर केला होता. यामध्येअक्षय गोल्डन कलरच्या जॅकेटमध्ये सनग्लासेस लावून सेल्फी घेताना दिसत होता. त्यांनतर अक्षयने आणखी एक फोटो शेअर केला होता. ज्यामध्ये तो अभिनेता इम्रान हाश्मीसोबत सेल्फी घेत होता. या फोटोमध्ये दोघांनी आपली बाईक रोडवर थांबवून सेल्फी घेतली होती. 'सेल्फी' या चित्रपटाचं दिग्दर्शन राज मेहता करत आहेत. तर करण जोहर, अपूर्वा मेहता, अरुणा भाटिया, सुप्रिया मेनन, पृथ्वीराज सुकुमारन, लिस्टीन स्टिफन यांनी या चित्रपटाची निर्मिती केली आहे.