Home /News /entertainment /

मसाबाने शेअर केला आई-वडिलांबरोबरचा Unseen Photo; 'वेगळ्या' फॅमिलीबद्दल लिहिलेली भावनिक पोस्टही व्हायरल

मसाबाने शेअर केला आई-वडिलांबरोबरचा Unseen Photo; 'वेगळ्या' फॅमिलीबद्दल लिहिलेली भावनिक पोस्टही व्हायरल

कॅरेबियन वडील Viv Richards, दिल्लीची आई नीना गुप्ता (Neena Gupta), काशीचे आजोबा आणि लाहोरची पणजी अशा जागतिक कुटुंबाविषयी सांगणारी एक भावुक पोस्ट डिझायनर मसाबा गुप्ता Masaba Gupta हिने शेअर केली आहे.

    मुंबई, 13मार्च: अभिनेत्री आणि डिझायनर अशी ओळख असणऱ्या मसाबा गुप्ता (Masaba gupta) हिनं आपल्या इन्स्टाग्राम अकाऊंटवर आपल्या बालपणीचा एक फोटो शेअर केला आहे. महान क्रिकेटपटू विव्ह रिचर्ड्स (Viv Richards) शेजारी बसलाय आणि आई नीना गुप्ताच्या (Neena Gupta) मांडीवर झोपलेला एक लहानपणचा फोटो सोशल मीडियावर चांगलाच व्हायरल होतं आहे. त्यासोबत मिश्रवर्णीय असल्याचा अनुभव तिने शेअर केला आहे. त्यावर लिएंडर पेसपासून अनेक सेलेब्रिटींनी तिच्या पोस्टवर प्रतिक्रिया दिली आहे. व्हायरल झालेल्या या फोटोमध्ये अभिनेत्री नीना गुप्ता (Masaba Gupta childhood photo viral) छोट्या मसाबाला मांडीवर घेऊन बसल्या आहेत. आणि त्यांच्या बाजूला त्यांचे पती आणि वेस्ट इंडीज चे क्रिकेटर विवियन रिचर्डस (Vivian Richards) त्यांना न्याहाळताना दिसत आहेत. या फोटोमध्ये  नीना गुप्ता लाल आणि पांढऱ्या रंगाच्या साडीत खूपच तरुण आणि सुंदर दिसत आहेत. या फोटोच्या खाली मसाबाने अत्यंत भावनिक असं कॅप्शन सुद्धा लिहलं आहे. My Blood My World अशी कॅप्शन आहे. मसाबाच्या या पोस्टवर अनेक सेलेब्रेटींनी सुद्धा भावनिक कमेंट केल्या आहेत.टेनिसपटु लिआंडर पेस यांनी कमेंट देत म्हटलं आहे.'जिथे आपलं हृदय आपलं मनं आहे, तिथच आपलं घर आहे.' त्यांनतर अनिल कपूरची मुलगी रिहा कपूरनं हार्टच्या एमोजी शेअर करत मसाबाच्या पोस्टवरचं प्रेम व्यक्त केलं आहे.
    View this post on Instagram

    A post shared by Masaba (@masabagupta)

    मसाबाच्या आई म्हणजेच अभिनेत्री नीना गुप्ता यांनी क्रिकेटर विविअन रिचर्ड्स यांच्याशी विवाह  न करताच मसाबाला जन्म दिला होता. कुमारी माता म्हणून नीना गुप्ता यांच्या वाट्याला बरेच अनुभव त्या वेळी आले होते. त्याबद्दल त्यांनी वारंवार लिहिलंही आहे. विव्ह रिचर्ड्स लग्न करणार नाही हे माहीत असूनही नीना गुप्ताने मूल होऊ द्यायचा निर्णय घेतला होता. नीना यांनी मसाबाला सिंगल मदर म्हणून वाढवलं.  2008 मध्ये नीना यांनी चार्टर्ड अकाऊंन्टट असणऱ्या विवेक मेहरासोबत विवाह केला. विवियनही विवाहित आहेत.
    मसाबा गुप्ता फॅशन डिझायनर म्हणून नावारुपाला आली आहे. मसाबाने 2015 मध्ये चित्रपट दिग्दर्शक मधु मन्टेशी लग्न केलं होतं. पण 2019मध्ये त्यांचाही घटस्फोट झाला.
    नीना गुप्ता आणि मसाबानं 'मसाबा मसाबा' या वेब सीरीजमध्ये एकत्र काम केलं आहे. ही वेब सीरीज मसाबाचं डिझायनिंगचं करिअर, प्रेमप्रकरण त्या सगळ्यात तिचं कुटुंब अशा मुद्द्यावर आधारित होती. 2020 मध्ये ही वेबसीरीज प्रदर्शित झाली होती.
    त्याचबरोबर नीना गुप्ता ह्या दीपिका पदुकोण आणि रणवीर सिंगच्या '83' या चित्रपटात कॅमिओ च्या भूमिकेत झळकणार आहेत. त्याचबरोबर त्या 'डायल 100' मध्ये सुद्धा दिसणार आहेत. तसेच त्यांनी आपल्या मुलगीसोबत 'मसाबा मसाबा' चा दुसरा भाग येणार असल्याचंही स्पष्ट केलं आहे..
    Published by:Aiman Desai
    First published:

    Tags: Actress, Bollywood News

    पुढील बातम्या