मुंबई 23 मे : मराठी तसेच बॉलिवूड सिनेसृष्टीतील एक गुणी तसेच प्रसिद्ध अभिनेत्री म्हणून अमृता सुभाषची (Amruta Subhash) ओळख आहे. अमृताने आजवर आपल्या अभिनयाचा ठसा उमटवत वेगळी ओळख निर्माण केली आहे. नुकताच अमृताचा नवा चित्रपट प्रदर्शित झाला आहे. दिवंगत दिग्दर्शिका सुमित्रा भावे (Sumitra Bhave) यांचा ‘दिठी’ (Dithee) हा चित्रपट प्रेक्षकांच्या भेटीला आला आहे. त्यात अमृताने मुख्य भूमिका साकरली आहे.
अमृताने अनेक मराठी चित्रपटांसह ‘गली बॉय’, ‘रमन राघव’, तसेच वेबसीरिज ‘सेक्रेड गेम्स’ आणि ‘बॉम्बे बेगम’ या हिंदी चित्रपट तसेच वेबमालिकांतही काम केलं आहे. आता तिचा ‘दिठी’ हा चित्रपट प्रेक्षकांच्या भेटीला आला आहे.
View this post on Instagram
या दरम्यान अमृताने एक मुलाखत दिली ती म्हणाली, “मला खूप आनंद होतो की निर्माते मला एक अभिनेत्री म्हणून पाहत नाहीत. मग ते कोणत्याही प्रकारचं काम असो. ते नेहमी माझ्याकडे वेगळ्या दृष्टीकोनातून येतात, वेगळी पात्र घेऊन येतात. आणि मी याविषयी खूप आनंदी आहे.”
View this post on Instagram
पुढे ती म्हणाली, “मराठी किंवा हिंदी अशी कोणतीच चित्रपटांची सीमा नाही. सगळया सीमा या बदलणाऱ्या आहेत. प्रत्येकजण स्वतःचं चांगल काम देण्याचा प्रयत्न करत असतो. इथे फक्त चांगले आणि वाईट चित्रपट असतात.” तर पुढे विविध भाषेतील चित्रपटांविषयी बोलताना ती म्हणाली, “भाषा हा माझ्यासाठी कधीच अडथळा नव्हता. सगळं काही त्या पात्रावर अवलंबून असंत. एक चांगला कलाकार तेव्हाच चमकतो जेव्हा आशय चांगला असतो,” अमृता म्हणाली.
रिचा-अलीनं बांधली लग्नगाठ? फोटोंमुळं ट्रोल होताच डिलीट केली ती पोस्ट
मराठी, हिंदी व्यतिरिक्त तिने मल्याळम आणि इंग्रजी भाषेतील चित्रपटांतही काम केलं आहे. प्रत्येकवेळी अमृताने स्वतःला उत्कृष्ट अभिनेत्री म्हणून सिद्ध केलं आहे. अमृताचा ‘दिठी’ हा चित्रपट सोनी लिव्हवर स्ट्रीम होत आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Entertainment, Marathi actress