अजय देवगणचं OTT प्लॅटफॉर्मवर पदार्पण; लवकरच येतेय ही वेब सीरिज

अजय देवगणचं OTT प्लॅटफॉर्मवर पदार्पण; लवकरच येतेय ही वेब सीरिज

या सीरिजच्या माध्यामातून अजय पहिल्यादांच ओटीटी प्लॅटफॉर्म वर दिसणार आहे. विशेष म्हणजे या सारिजमध्येही तो पुन्हा एकदा एका पोलिसाच्या भूमिकेत दिसणार आहे.

  • Share this:

मुंबई, 20 एप्रिल : अभिनेता अजय देवगण (Ajay Devgn) ओटीटी प्लॅटफॉर्मवर (OTT platform) पदार्पण करणार असल्याच वृत्त काही दिवसांपूर्वी समोर आलं होतं. तर आता एका वेबसीरज (webseries) मधून तो पदार्पण करत आहे. स्वत: अजयने त्याच्या सोशल मीडिया वर पोस्ट करत ही बातमी दिली आहे. ब्रिटीश क्राइम ड्रामा ‘ल्युथर’ (Luther)  चा हा हिंदी रिमेक असणार आहे. ‘रुद्र – द एड्ज ऑफ डार्कनेस’ (Rudra – The edge of darkness)  असं या सीरिजचं नाव आहे.

या सीरिजच्या माध्यामातून अजय पहिल्यादांच ओटीटी प्लॅटफॉर्म वर दिसणार आहे. विशेष म्हणजे या सारिजमध्येही तो एका पोलिसाच्या भूमिकेत दिसणार आहे. पोलिसाची भूमिका अजयसाठी नवी नाही. आजवर अनेक चित्रपटांत त्याने पोलिसांच पात्र साकारल आहे. ‘सिंघम’ हा पोलिसाच्या भुमिकेतील त्याचा सर्वाधिक हीट चित्रपट ठरला होता. त्यामुळे पुन्हा एकदा अजय या भूमिकेत पाहण्यासाठी प्रेक्षक उत्सुक आहेत.

View this post on Instagram

A post shared by Ajay Devgn (@ajaydevgn)

मीडियाशी बोलताना अजय म्हणाला, “मी नेहमीच चांगल्या कथेसोबत काम करण्याचा प्रयत्न केला आहे. भारतातील मनोरंजनाचा दर्जा वाढवण्याची ही संकल्पना आहे. डिजिटल युग (digital world) मला उत्साहित करत आहे, तसेच डिझनी हॉटस्टार आणि बीबीसी सोबत काम करण्यासाठी मी उत्सुक आहे. ‘रुद्र – द एड्ज ऑफ डार्कनेस’ ही एक उत्तम आणि आकर्षक कथा आहे. आणि हा नवीन प्रवास सुरू करण्यासाठी मी फार उत्सुक आहे. पडद्यावर पोलिस साकारणं माझ्यासाठी नवं नाही, पण यावेळी पात्र हो खूप जास्त गुंतागुंतीच आणि निराळं आहे. मला या व्यक्तिरेखेबद्दल जास्त आकर्षण वाटत ते त्याच्या ग्रे कॅरेक्टर बद्दल”.

जॉन-बिपाशाचे बोल्ड सीन कसे केले होते शूट? पूजा भट्टनं सांगितला जिस्ममधील अनुभव

सीरिज एक क्राइम थ्रिलर कथा असून मुंबई आणि परिसरात याच शुटींग होणार आहे. याच वर्षी ही सीरिज प्रेक्षकांच्या भेटीला येणार असल्याचं म्हटलं जात आहे. ओटीटी प्लॅटफॉर्म डिझनी हॉटस्टार (Disney hotstar) ही सीरिज दिसणार आहे. पण अद्याप प्रदर्शानाची तारीख जाहीर करण्यात आली नाही.

Published by: News Digital
First published: April 20, 2021, 5:44 PM IST

ताज्या बातम्या