आमीरने सोशल मीडियावर शेअर केला मिस्ट्री गर्लबरोबर फोटो

मुंबई, 15 जानेवारी :  छोट्या पडद्यावरील अभिनेता आमीर अली (Aamir Ali) याने नुकतेच आपल्या Instagram अकाउंटवर दोन फोटो शेअर केले आहेत. यामधील एका फोटोत तो एका अज्ञात मुलीबरोबर राइड मारताना दिसून येत आहे तर एका फोटोमध्ये तो या मुलीबरोबर समुद्रकिनारी धावताना दिसून येत आहे. पण त्याने टाकलेल्या या फोटोंमुळे त्याचे चाहते बुचकळ्यात पडले आहेत. आमीरने हे फोटो शेअर करत त्याला कॅप्शन देत 'शू... ' असं म्हटलं आहे. त्याने हा फोटो शेअर केल्यानंतर यावर विविध प्रतिक्रिया येत आहेत. हा फोटो अपलोड केल्यानंतर अमीर अलीचा मित्र आणि प्रसिद्ध बॉलिवूड कोरिओग्राफर रेमो डिसुझा(Remo Dsouza) याने अरे?अशी कमेंट केली आहे तर अभिनेत्री आमना शरीफ यांनी हृदयाच्या आकारची ईमोजी टाकली आहे. याचबरोबर त्याच्या विविध चाहत्यांनी देखील कमेंट केलेली आहे. एकाने ही संजीदा असल्याचे म्हटले आहे तर एकाने ही संजीदा सारखी दिसत असल्याचे म्हटले आहे. यामुळे आता ही मिस्ट्री गर्ल नक्की कोण आहे हा प्रश्न चाहत्यांबरोबरच सर्वांना पडला आहे. आमीर आणि संजीदा शेख (Sanjeeda Sheikh) हे काही वर्षांपूर्वी वेगळे झाले असून संजीदा आपल्या मुलीसह आईकडे राहते. आपल्या या नात्याविषयी तिने एका मुलाखतीत भाष्य केले होते.

View this post on Instagram

A post shared by Aamir Ali (@aamirali)

आमीर (Aamir Ali) आणि संजीदा (Sanjeeda Sheikh) आठ वर्षांपूर्वी विवाहबद्ध झाले होते. पण दोघांमध्ये मतभेद निर्माण झाल्याने त्यांनी सामंजस्याने वेगळं होण्याचा निर्णय घेतला होता. या दोघांना आयरा नावाची मुलगी देखील आहे. वेगळे झाल्यानंतर मुलगी संजीदाकडे असून एका मुलाखतीमध्ये संजीदाने आपल्या वेगळे होण्यावर भाष्य केले होते. यावेळी बोलताना तिने म्हटले की, आम्ही वेगळे झालो तरीदेखील मी नेहमीच त्याची हितचिंतक राहणार आहे. आम्ही नेहमीच चांगले मित्र आहोत. याचबरोबर आपल्या मातृत्वावर बोलताना देखील तिने आपल्या मुलीला सांभाळणे ती एन्जॉय करत असल्याचे म्हटले. तिची मुलगी तिची खूप चांगली मैत्रीण असल्याचे देखील तिने यावेळी म्हटले. मी सध्या माझ्या आईबरोबर राहत असून तिने मला लहानपणी कसे वाढवले असेल याचा अनुभव सध्या मला माझ्या मुलीचे संगोपन करताना करताना येत असल्याचे देखील तिने म्हटले. संजीदा शेख हिने अनेक चित्रपट, मालिका आणि म्युझिक व्हिडिओमध्ये काम केले असून सध्या तिच्याकडे कोणता प्रोजेक्ट आहे याची माहिती उपलब्ध नाही.