वडिलांच्या 60व्या वाढदिवशी अभिज्ञाने उडवली धम्माल, Instagram Reel व्हायरल

मुंबई, 20 मे: सोशल मीडिया विशेषतः इन्स्टाग्राम (Instagram) हे खूप लोकप्रिय अ‍ॅप आहे. कॉलेजच्या तरूण-तरूणींपासून ते नेते मंडळींपर्यंत सगळेजण ते वापरतात. आपल्या आयुष्यात सध्या काय चाललंय हे लोकांपर्यंत पोचवण्याचा हा उत्तम मार्ग. आपल्या चाहत्यांशी कनेक्ट होण्याचा हा मार्ग कलाकार तरी कसा सोडतील? अनेक कलाकार हे रोज चाहत्यांसाठी काही ना काही इन्स्टाग्राम पोस्ट टाकत असतात. त्यांच्या खासगी आयुष्यात घडणाऱ्या गोष्टींची खबरबात या पोस्ट किंवा रील्समधून मिळते. अभिनेत्री अभिज्ञा भावेसुद्धा (Abhidnya Bhave) सोशल मीडियावर खूप अ‍ॅक्टिव्ह असते. वडिलांच्या साठाव्या वाढदिवसाबाबत नुकतंच तिनं इन्स्टाग्राम रील पोस्ट केलं. या रीलवर चाहत्यांनी लाईक्सचा पाऊस पाडलाय. मराठी अभिनेत्री अभिज्ञा भावे गेल्या काही दिवसांपासून अनेक गोष्टींसाठी सोशल मीडियावर चर्चेत आहे. या आधी झी मराठी वाहिनीवरील (Zee Marathi) ‘तुला पाहते रे’ (Tule Pahte Re) मालिकेतील तिची नकारात्मक भूमिका असेल किंवा अभिनेत्री तेजस्विनी पंडित (Tejasvini Pandit) व अभिज्ञा भावे यांचा कपड्यांचा ब्रँड, अभिज्ञा कायमच सोशल मीडियावरून या गोष्टींबाबत व्यक्त झाली आहे. काही महिन्यांपूर्वी तिचा नवरा मेहुल पै (Mehul Pai) याला कर्करोगचं निदान झालं होतं. त्यावेळी ती भावूक झाली होती. सोशल मीडियावर अनेक चर्चांना यानिमित्तानं उधाण आलं होतं. हेही वाचा - सोनाली कुलकर्णीचा हनिमून Video Viral; ड्रोन शॉट्समध्ये बिकनीत दिसली अभिनेत्री

View this post on Instagram

A post shared by Abhidnya bhave (@abhidnya.u.b)

आता तिनं इन्स्टाग्रामवर वडिलांच्या वाढदिवसाच्या सेलिब्रेशनचा (Birthday Celebration) व्हिडिओ पोस्ट केला आहे.  या व्हिडिओत अभिज्ञा तिच्या घरच्यांसोबत वाढदिवसाची तयारी करताना दिसते आहे. फुगे फुगवून घराची सजावट केल्याचं यात दिसतं आहे. वाढदिवस असल्यानं केक तर होताच. केकवर साठ आकडा होता. अभिज्ञा भावेसह घरातील इतर मंडळी त्यांना शुभेच्छा देत असल्याचं यात दिसतंय. घरच्यांसोबतची धमाल कोणाला आवडत नाही? अभिज्ञानंही वडिलांच्या वाढदिवसाचं निमित्त साधून घरच्यांसोबत एक दिवस एंजॉय केला. एकत्र केक कापणं, फोटोसेशन इतकंच नाही चमचा-लिंबू सारखे खेळही ते सगळे खेळले. अभिज्ञानं ही सगळी धमाल तिच्या इन्स्टा रीलमध्ये कॅप्चर केली आहे. अभिनेत्री श्रेया बुगडे, अनुजा साठे यांनीही या रीलवर प्रतिक्रिया देत अभिज्ञाच्या वडिलांना शुभेच्छा दिल्या आहेत. अभिज्ञा भावे सध्या झी मराठी वाहिनीवरील ‘तू तेव्हा तशी’ (Tu Tevha Tashi) या मालिकेत दिसते आहे. पुष्पवल्ली नावाचं तिचं कॅरेक्टर खूप लोकप्रिय झालं आहे. पुष्पवल्ली या निगेटिव्ह कॅरेक्टरला चाहत्यांनी उत्तम दाद दिली आहे. काही दिवसांपूर्वी तिनं सेटवरचा दिवस कसा असतो, याबद्दलही एक इन्स्टा रील केलं होतं. त्याआधी पुष्पवल्लीच्या लूकबाबतही तिनं पोस्ट केली होती. आता वडिलांच्या वाढदिवसाच्या सेलिब्रेशनच्या निमित्तानं अभिज्ञा पुन्हा एकदा सोशल मीडियावर चर्चेत आली आहे.