20 वर्षांनंतर मेजर डी.पी. सिंहनी पाहिला 'सर्फरोश', आमिर खान का झाला भावूक?

मेजर डी. पी. सिंह यांनी 1999 मध्ये झालेल्या कारगील युद्धात डावा पाय गमवला आहे.

News18 Lokmat | Updated On: May 30, 2019 03:39 PM IST

20 वर्षांनंतर मेजर डी.पी. सिंहनी पाहिला 'सर्फरोश', आमिर खान का झाला भावूक?

मुंबई, 30 मे : आमिर खानच्या 20 वर्षांपूर्वी रिलीज झालेल्या 'सर्फरोश'नं बॉक्स ऑफिसवर चांगली कमाई केली. हा सिनेमा प्रेक्षकांच्या खूपच पसंतीत उतरला होता. नुकतीच कारगील युद्धात सहभागी झालेले निवृत्त मेजर डी. पी. सिंह यांनी ट्विटरवर या सिनेमाच्या संबंधित एक भावूक पोस्ट लिहिली आणि महत्त्वाचं म्हणजे अभिनेता आमिर खाननंही त्यांच्या ट्वीटवर उत्तर दिलं आहे. मेजर डी. पी. सिंह यांनी 1999 मध्ये झालेल्या कारगील युद्धात डावा पाय गमवला आहे.

मेजर डी. पी. सिंह यांनी लिहिलं, '20 वर्षांपूर्वी मी पहिल्यांदा आमिर खानचा सर्फरोश सिनेमा पाहिला आणि 20 वर्षांनंतर पुन्हा एकदा आज तोच सिनेमा पाहिला. पण त्यावेळी हा सिनेमा मी थिएटरमध्ये पाहिला होता आणि आता टीव्हीवर. त्यावेळी माझे दोन्ही पाय होते आणि आता एकच आहे. ऑपरेशन विजय जॉइन करण्याआधी (मे 1999)हा माझा शेवटचा सिनेमा होता.'

...म्हणून 2 कोटींची जाहिरात नाकारली, अभिनेत्रीनं सांगितलं कारण



मेजर डी. पी सिंह यांचं ट्वीट पाहिल्यावर आमिरनं लगेच त्यांना रिप्लाय दिला, आमिरनं लिहिलं, 'डियर मेजर डी. पी. सिंह, तुमची पोस्ट पाहिल्यावर माझ्या अंगावर शहारे आले. तुमचं साहस, हिंमत आणि धैर्याला माझा सलाम.'



'सर्फरोश' हा आमिरच्या बॉलिवूड करिअर मधील एक यशस्वी सिनेमा आहे. या सिनेमातील आमिरचा अभिनय प्रेक्षकांना चांगलाच भावला. हा सिनेमा दिग्दर्शक जॉन मॅथ्यू मट्टन यांनी दिग्दर्शित केला होता. आमिरबरोबर या सिनेमामध्ये नसीरुद्दीन शाह आणि सोनाली बेंद्रे यांच्या महत्त्वाच्या भूमिका होत्या.

'या' व्यक्तीमुळे अर्जुन आणि मलायकाच्या लग्नाला होतोय उशीर

मेजर डी. पी. सिंह यांना 1999मध्ये अखनूर सेक्टरमध्ये LOC वर दुखापत झाली होती. या दुर्घटनेत त्यांनी आपला डावा पाय गमावला. मात्र त्यांनी हिंमत हारली नाही. त्यांनी एक कृत्रिम पाय बसवून घातला. तसेच अ‍ॅथेलिटिक करिअरमध्ये त्यांनी जवळपास 18 मॅरेथॉनमध्ये भाग घेतला आहे.

SPECIAL REPORT : ममतांच्या झिंगाट खासदारांचा टिकटॉक व्हिडिओ व्हायरल

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: May 30, 2019 03:26 PM IST
Loading...

ताज्या बातम्या

Loading...