आमिर खाननं करिना कपूरसाठी खरेदी केली होती इतकी महागडी साडी! VIRAL VIDEO पाहून सर्वच अवाक्

मुंबई, 21 जानेवारी-   बॉलिवूड   (Bollywood)  कलाकारांचे जुने किस्से  पाहणे आणि जाणून घेणे सर्वांनाच आवडतं. सतत सोशल मीडियावर कलाकारांचे जुने फोटो आणि व्हिडीओ व्हायरल   (Throwback Photo & Video)  होत असतात. त्यामध्ये आपल्याला कधीही न पाहिलेल्या अशा काही गोष्टी पाहायला मिळतात. असाच एक व्हिडीओ सध्या सोशल मीडियावर जोरदार व्हायरल होत आहे. हा व्हिडीओ बॉलिवूड परफेक्शनिस्ट आमिर खान   (Aamir Khan)  आणि बेबो करिना कपूर   (Kareena Kapoor)  यांचा आहे. हा व्हिडीओ पाहून नेटकरी अभिनेत्याचं कौतुक करत आहेत. पाहूया काय आहे नेमका व्हिडीओ... अभिनेता आमिर खान आणि करिना कपूर लवकरच 'लाल सिंह चड्ढा' मध्ये झळकणार आहेत. चित्रपटाची घोषणा झाल्यापासून प्रेक्षकांना या चित्रपटाची मोठी उत्सुकता लागली आहे. यापूर्वी आमिर आणि करिना '3 इडियट्स' मध्ये एकत्र झळकले होते. ही जोडी सुपरहिट ठरली होती. या चित्रपटाने बॉक्स ऑफिसवर धुमाकूळ घातला होता. चाहत्यांना करिना आणि आमिरची जोडी फारच पसंत पडली होती. त्यांनतर त्यांनी तलाशमध्ये एकत्र काम केलं होतं. आता पुन्हा एकदा हे दोघे एकत्र पाहायला मिळणार आहेत. तत्पूर्वी या दोघांचा एक जुना व्हिडीओ प्रचंड व्हायरल होत आहे.

View this post on Instagram

A post shared by Varinder Chawla (@varindertchawla)

सोशल मीडियावर व्हायरल होत असलेला हा व्हिडीओ फारच जुना असल्याचं दिसून येत आहे. यामध्ये आमिर आणि करिना एका साडीच्या दुकानात असल्याचं दिसून येत आहे. याठिकाणी हॅन्डलूम साड्यांची निर्मिती केली जाते. आमिर आणि करिना एक कळायची रंगाची सुंदर हॅन्डलूम साडी पाहताना दिसून येत आहेत. व्हिडीओमध्ये आमिर खान त्या दुकानदाराला विचारत आहे, 'मी ही साडी खरेदी करू शकतो का? यावर दुकानदार म्हणतो 'हो नक्कीच'. त्यावर आमिर म्हणतो, मी ही साडी करिना कपूरला भेट देऊ इच्छितो. आमिर खान या साडीची किंमत विचारतो तेव्हा दुकानदार या साडीची किंमत 6000 असल्याचं सांगतो. यावर आमिर त्याला म्हणतो मी 6000 नाही देणार मी या साडीचे 25000 देणार, कारण ती तुमची मार्केट प्राईज आहे. आमिर अत्यंत आनंदाने ही साडी खरेदी करताना दिसून येत आहे. आमिरच्या मनाचा मोठेपणा पाहून चाहते त्याचं कौतुक करत आहेत. (हे वाचा:आलिया भट्टने पोस्ट केले Cute Photos, पण फोटोंपक्षा चर्चा अर्जुन कपूरच्या कमेंटची) या व्हिडीओमध्ये आमिर सोबत करिनासुद्धा आहे. करिनाला सुद्धा ही साडी फारच आवडल्याचं दिसून येत आहे. आमिर खानच्या दुकानदारासोबत झालेल्या चर्चेनंतर करिना पटकन ही साडी स्वतःवर लाऊन पाहते. ब्लॅक कलरची हॅण्डलून साडी आणि त्यावर असलेलं सुबक नक्षीकाम फारच सुंदर दिसत आहे. तसेच दुकानदार सांगतो 15 दिवसांत ही साडी तयार करण्यात आली आहे.आमिर आणि करिना लवकरच 'लालसिंह चड्ढा' मधून भेटीला येणार आहेत.