Aai Kuthe Kay Karte update: अनिरुद्ध करतोय अभिला अरुंधतीविरुद्ध वापरून घेणायचा कट!

मुंबई 21 मे: स्टार प्रवाहावरील आई कुठे काय करते (Aai Kuthe Kay Karte) मालिका घराघरात लोकप्रिय आहे. अरुंधतीच्या घरात चाललेल्या सध्याच्या परिस्थतीबद्दल प्रेक्षक बघायला उत्सुक आहेत. यातच अरुंधतीचा पती अनिरुद्ध स्वतःच्याच मुलाला अरुंधतीविरुद्ध वापरून घेण्याचा कट रचताना दिसत आहे. अरुंधती आणि आशुतोषच्या (Arundhati Asutosh friendship) निखळ मैत्रीवर घरातील सर्वच कुटुंबियांना शंका होती पण याचाच गैरवापर करत त्या शंकेला संशयात बदलण्याचं काम अनिरुद्ध करत आहे. अभिच्या मनातला आईबद्दलचा संशय वाढवून त्याच्या मानेवर बंदूक ठेवून स्वतःचा स्वार्थ साध्य करण्याचा कट अनिरुद्ध रचतो आहे हे नुकत्याच आलेल्या अपडेट्सवरून समजतं. अरुंधती स्वतःच्या पायावर उभं राहण्यासाठी वेगळी होऊन स्वतःचं अस्तित्व राखायचा प्रयत्न करत आहे. आणि आशुतोष या सगळ्यात तिला मदत करत आहे. मात्र अनिरुद्ध- संजना दोघांनाही अरुंधती आशुतोषची मैत्री बघवत नसल्याने अनिरुद्ध अभिला चिथवण्यासाठी गोड वागण्याचं नाटक करत आहे.

View this post on Instagram

A post shared by (@marathiserials_official)

मालिकेत एकीकडे अरुंधतीची प्रतिमा दूषित करताना मात्र दुसरीकडे अनिरुद्ध अरुंधतीला move on होण्याचा सल्ला देताना दिसत आहे. घरच्यांसाठी खूप केलंस आता आशुतोषचा विचार कर asa सल्ला अनिरुद्ध तिला देतो. अरुंधतीला लग्न करण्याबद्दलसुद्धा अनिरुद्ध बराच आग्रही आहे.

शर्वरी वाघने फ्लॉन्ट केला बोल्डनेस, PHOTOS ना चाहत्यांकडून मिळतेय पसंती

मागे आशुतोषला रुग्णालयात दाखल केलं असताना अनिरुद्धने फारच बदललेली आणि चांगली भूमिका घेतली. त्याचा एकूण बदललेला रवैय्या बघून प्रेक्षकांना अनिरुद्ध अखेर सुधारला का अशी शंका आली. मात्र हा अनिरुद्धच्या कटाचा भाग आहे अशी चिन्ह आत्ता दिसत आहेत. अरुंधतीची भूमिका साकारणारी अभिनेत्री मधुराणी आणि इतर कलाकार यांना या मालिकेमुळे अफाट प्रसिद्धी मिळाली. घराघरात त्यांना मालिकेतल्या भूकिकेमधून ओळखलं जातं. या मालिकेची सर्वत्र फार चलती आहे आणि लोकं न चुकता ही मालिका बघतात. अनिरुद्धच्या या बेरकी वागण्याने मालिका कोणतं नवीन वळण घेते हे पाहणं रंजक ठरेल.