3-4 बायका माझ्यासमोर येऊन बसल्या अन् एकीनं... ; अभिनेत्यानं सांगितला 21 वर्षांपूर्वीचा तो विलक्षण अनुभव

मुंबई, 05 जुलै: आई कुठे काय करते ( Aai Kuthe Kay Karte) फेम अनिरुद्ध ( Aniruddha) म्हणजेच अभिनेते मिलिंग गवळी ( Milind Gawali) आज या मालिकेमुळे मिलिंद गवळींना वेगळी ओळख मिळाली आहे. असं असलं तरी गेली अनेक वर्ष मिलिंद गवळी मराठी सिनेसृष्टीत कार्यरत आहेत. अनेक लहान मोठे, खेड्यापाड्यातील विषयांवर आधारित सिनेमांमध्ये त्यांनी काम केलं आहे.  अनेक वर्षांचा अनुभव गाठिशी असलेले मिलिंद गवळी आजही आपल्या साध्या सरळ स्वभावामुळे सर्वांची मन जिंकतात. आज अनिरुद्ध या पात्राला लोक कितीही शिव्या देत असले तरी मिलिंद गवळींसाठी ही त्यांच्या कामाची खरी पावती आहे. कलाकार म्हणून काम करत असताना प्रत्येकाला वेगवेगळे आणि सुंदर अनुभव येत असतात. मिलिंद गवळी यांनी असाच एक विलक्षण अनुभव सर्वांबरोबर शेअर केला आहे. सध्या सर्वत्र आषाढी वारीचं वातावरण पाहायला मिळतय. 21 वर्षांपूर्वी मिलिंद गवळी आषाढी वारीनिमित्त एका सिनेमाचं शुटींग करत होते. तेव्हा त्यांच्यांजवळ 3-4 बायका आल्या आणि त्यांतील एकीनं मिलिंद गवळींचे पाय धरले. हा अनुभव शेअर करत मिलिंद गवळींनी पोस्ट शेअर केलीय त्यांत त्यांनी म्हटलंय, 'आषाढी एकादशी आता जवळ येत आहे, जवळजवळ 21 वर्षापूर्वी 'विठ्ठल विठ्ठल' सिनेमाच्या निमित्ताने आळंदी ते पंढरपूर माझी वारी झाली होती . एक विलक्षण वेगळा अनुभव माझ्या गाठीशी बांधून मी माझ्या आयुष्याचा प्रवास करतो आहे . पांडुरंगाच्या वारीला जाणं हा एक वेगळाच अनुभव आहे , ज्यांनी कोणी वारी केली आहे त्यांनाच तो माहितीये , ज्यांच्या आयुष्यामध्ये वारी घडली नाही त्यांच्या आयुष्यात काहीतरी खूप मोलाचा राहून गेलेलं आहे !'.

View this post on Instagram

A post shared by Milind Gawali (@milindgawali)

हेही वाचा - 'आपलं मूळ, संस्कृती विसरतात ती माणसं म्हणजे मूळ नसलेली झाडं', दीपिकाच्या 'त्या' पोस्टची चर्चा अनुभव सांगताना मिलिंद गवळी पुढे म्हणाले,  'छान पाऊस सुरू झाला आहे, 'विठ्ठल विठ्ठल' सिनेमा मेकिंगच व्हिडीओ फुटेज मला मिळालं. सहा सात जुलै 2003 , आळंदी पासून शूटिंग करत करत पंढरपूर पर्यंत आम्ही चाललो होतो. मी एक साधू संन्याशाच्या वेशात पंढरपुरामध्ये बसलो होतो, शूटिंग सुरू व्हायला थोडा अवकाश होता आणि तीन चार बायका माझ्यासमोर येऊन बसल्या, एका वयस्कर बाईन माझ्या पायावर डोकं ठेवलं आणि मला म्हणाली 'बाबा माझ्या आयुष्याच सार्थक झालेला आहे, दोन्ही मुलींची लग्न झाली आहेत, मुलगा रांके ला लागलेला आहे, आता बाबा तुम्ही मला आशीर्वाद द्या, म्हणजे मी शांतपणे डोळे मिटू शकेन' , मी त्या बाईंना म्हणालो  'आजी जात्या विठ्ठलाच्या पाया पड माझ्या नको, मी एक कलाकारे आणि हा साधू चा रोल करतोय'. त्या बाई म्हणाल्या 'नाही बाळा ,तूच मला आशीर्वाद दे ,कारण मला दिसतो ना विठ्ठल तुझ्या मध्ये'. 'कलाकारच आयुष्य किती वेगळ आणि सुंदर आहे बघा ,एका बाजूला अनिरुद्ध देशमुखला एक बाई चपलेने मारेन असं म्हणते आणि 'विठ्ठल विठ्ठल' या भूमिकेसाठी एका बाईला माझ्यामध्येच विठ्ठल दिसतो ,पांडुरंग दिसतो . विलक्षण नाही का हे सगळं !', असं मिलिंद गवळी म्हणाले. त्याचप्रमाणे 'गेली अडीच तीन वर्ष आई कुठे काय करते मधल्या अनिरुद्ध देशमुख माझ्या या भूमिकेला बायकांनी असंच शिव्या दिल्या आणि देत आहेत ,अजूनही देतायेत. अशावेळेला 'विठ्ठल विठ्ठल' या सिनेमातल्या भूमिके चा अनुभव खूप आवर्जून आठवतो, असही मिलिंद गवळी म्हणालेत. मिलिंद गवळी यांची ही पोस्ट सध्या चाहत्यांच्या पसंतीस उतरली असून पोस्टची सध्या चांगलीच चर्चा सुरू आहे. अनेकांनी कमेंट्स करत मिलिंद गवळींच्या या पोस्टचं कौतुक केलं आहे.