'आई कुठे काय करते' नंतर येणार अरुंधती-संजनाचा नवा प्रोजेक्ट,पुन्हा झळकणार एकत्र

मुंबई, 15 मार्च-   'आई कुठे काय करते'  (Aai Kuthe Kay Karate)  ही मालिका छोट्या पडद्यावरील लोकप्रिय मालिकांमधील एक आहे. या मालिकेचा मोठा प्रेक्षकवर्ग आहे. मालिकेत सतत घडणाऱ्या रंजक गोष्टींमुळे प्रेक्षकसुद्धा खिळून राहतात. त्यामुळेच मालिका टीआरपीच्या शर्यतीत सतत पुढे असते. गेल्या अनेक दिवसांपासून अरुंधती आणि आशुतोषचं लग्न होऊन ही मालिका प्रेक्षकांचं निरोप घेणार असल्याचं म्हटलं जात आहे. परंतु अजून अधिकृत माहिती समोर आलेली नाहीय. दरम्यान आता आणखी एक मोठी बातमी समोर आली आहे. मीडिया रिपोर्टनुसार, अरुंधती-संजना (Arundhati And Sanajna)   या मालिकेनंतर पुन्हा एकदा एका नव्या रूपात भेटीला येणार असल्याचं म्हटलं जात आहे. नुकतंच अशी माहिती आली होती की, 'आई कुठे काय करते' ही मालिका लवकरच प्रेक्षकांचा निरोप घेऊ शकते. आप्पा आशुतोष आणि अरुंधतीचं लग्न लाऊन देणार आणि त्यासोबतच मालिकेचा शेवट होणार असल्याच्या चर्चा सुरु आहेत. मात्र याबद्दल कोणतीही अधिकृत माहिती समोर आलेली नाहीय. यादरम्यान आता आणखी एक मोठी बातमी समोर आली आहे. नुकतंच मराठी सिरियल्सच्या इन्स्टा पेजने दिलेल्या अपडेट्सनुसार, अरुंधती-संजना अर्थातच अभिनेत्री मधुराणी प्रभुलकर आणि रुपाली भोसले 'आई कुठे..' नंतर एका नव्या प्रोजेक्टमध्ये एकत्र झळकणार आहेत. या दोघी लवकरच एका नव्या नाटकातून प्रेक्षकांच्या भेटीला येणार असल्याचं सांगितलं आहे. त्यामुळे खरंच मालिका बंद होणार का याकडे सर्वांचं लक्ष लागलं आहे.

View this post on Instagram

A post shared by (@marathiserials_official)

स्टार प्रवाहवर प्रसारित होणारी 'आई कुठे काय करते' ही मालिका सध्या अत्यंत रंजक वळणावर आहे. मालिकेत नुकतंच अरुंधतीने आपलं नवं हक्काचं घर खरेदी केलं आहे. याशिवायच आशुतोषने संपूर्ण कुटुंबासोबतच अरुंधतीसमोर आपल्या मनात असलेल्या भावना व्यक्त केल्या आहेत. अरुंधतीने या गोष्टीला नकार दिला असला तरीसुद्धा आप्पा आणि अविनाश त्यांची भेट जुळवून आणणार असल्याचं म्हटलं जात आहे. (हे वाचा:हे माझं स्वप्न पण घरच्या जबाबदारीत मागे पडलं..कुशलची पत्नीसाठी भावुक पोस्ट ) नुकतंच प्रसारित झालेल्या एका एपिसोडमध्ये, ' समृद्धी बंगल्यामध्ये जे काही घडलेलं असतं ते अनघा आणि अविनाश आप्पांना सांगतात. ते सांगत असताना तिथं कांचन येते. तिला पाहून आप्पा अनघा आणि अविनाशला म्हणतात की, 'यांच्या मनातली घाण स्वच्छ होणारच नाही. अनिरुद्ध आता अरुंधतीचा नवरा नाही. पण बदललेली परिस्थिती तुम्हाला समजून घ्यायचीच नाही. मी असतो तर त्याला सांगितलं असतं, मी माझ्या लेकीला समजावतो, तू तिच्याशी लग्न कर.. 'आप्पांचं हे बोलणं ऐकून कांचनला मोठा धक्का बसतो'. यावरून असं म्हटलं जात आहे की, आता आप्पाच अरुंधती आणि आशुतोषचं लग्न लाऊन देणार आणि या मालिकेचा शेवट होणार.