बीभत्स प्रकार! महिलेने भाजी चिरण्याच्या चाकूने केली पतीची हत्या, त्यानंतर प्रायव्हेट पार्ट कापला आणि पॅनमध्येच...

ब्राझील, 10 जून : ब्राझीलमधील एका महिलेने आपल्याच पतीची हत्या केल्याचं वृत्त समोर आलं आहे. पुढे जाऊन महिलेने जे काही कृत्य केलं ते पाहून तुमच्या पायाखालची जमीन सरकेल. या महिलेने पतीची हत्या केल्यानंतर त्याचा प्रायव्हेट पार्ट सुऱ्याने कापला आणि पॅनमध्ये तो शिजवल्याचाही तिच्यावर आरोप आहे. 33 वर्षीय महिला दयाने क्रिस्टीना रोड्रिग्स मचाडो हिला 7 जून रोजी ब्राझीलच्या शहरातील साओ गोंकालो येथून अटक करण्यात आली. महिलेने वेगळं राहण्याच्या वादानंतर पतीची हत्या केली. (woman killed her husband with a vegetable chopping knife then cut off the private part )

वेगळं राहण्याबाबत दोघांमध्ये झाला होता वाद

या प्रकरणात मिळालेल्या माहितीनुसार, शेजारच्यांनी या प्रकाराबाबत माहिती दिली. जेव्हा पोलीस घटनास्थळी पोहोचले तेव्हा आंद्रे नावाचा एक व्यक्ती जमिनीतवर बेशुद्ध अवस्थेत पडला होता. अधिकाऱ्यांनी दिलेल्या माहितीनुसार, पत्नीने पतीचं लिंग कापून एका फ्राइंग पॅनमध्ये सोयाबीनच्या तेलात शिजवलं होतं. महिलेने सांगितल्यानुसार हा प्रकार साधारण 4 वाजता घडला.

हे ही वाचा-नेपाळच्या बारगर्लसोबत BJP नेत्याचा अश्लील फोटो व्हायरल; राजकीय वर्तुळात खळबळ

घटनास्थळीवरुन चाकू केला जप्त

पोलिसांना घटनास्थळावरुन भाजी कापण्यासाठी वापरला जाणारा चाकू सापडला आहे. पोलिसांचं म्हणणं आहे की, या हत्याराच्या साहाय्याने महिलेने पतीची हत्या केली. त्यानंतर त्याच्या शरीराचे अनेक अवयव कापले. अटक केलेल्या महिलेवर पतीची हत्या करणे आणि मृतदेहासोबत दुष्कृत्य केल्याचा आरोप लावण्यात आला आहे.

या दाम्पत्याला आहे एक मुलगा आणि मुलगी

रिपोर्टनुसार, हे दाम्पत्य 12 वर्षात 10 वर्षे एकत्र राहिले आहे. गेली दोन वर्षे सुरू असलेल्या वादामुळे वेगळे राहत होते. असं असतानाही दोघे वारंवार भेटत होते. त्यांना एक 8 वर्षांचा मुलगा आणि 5 वर्षांची मुलगी आहे. अपराध घडला तेव्हा मुलं कुठे होती, याचा खुलासा अद्याप झालेला नाही. न्यूज वेबसाइट यूओएलच्या नुसार, गुन्हा घडला त्या दिवशी दाम्पत्य एका बारमध्ये गेले होते. येथे दारू पिणे आणि खाण्यावरुन दोघांमध्ये वाद झाला. महिलेच्या वकिलाने दावा केला आहे की, महिलेच्या पतीने तिला जीवे मारण्याची धमकी दिली होती. ज्यानंतर महिलेने स्वत:ची रक्षा करण्यासाठी पतीची हत्या केली.