लग्नानंतर पंधराच दिवसात पत्नीनं केली पतीची हत्या; प्रियकराला कुऱ्हाड घेऊन बोलावलं अन्....

भोपाळ 10 जुलै : एक अत्यंत धक्कादायक बातमी मध्य प्रदेशच्या (Madhya Pradesh) विदिशा जिल्ह्यातून समोर आली आहे. स्वतः पोलीस अधीक्षकांनी लटेरी येथे जाऊन या घटनेचा खुलासा केला आहे. पत्नी कृष्णा बाई हिनंच आपल्या प्रियकराच्या मदतीनं पतीची हत्या (Wife Killed Her Husband) केल्याचं समोर आलं आहे. प्रियकर (Lover) शुभम याच्यासोबत मिळून महिलेनं आपल्याच पतीचा जीव घेतला होता. पत्नीनं पतीचे हात पकडून ठेवले तर तिच्या प्रियकरानं कुऱ्हाडीनं वार करत हत्या केली.

नालासोपाऱ्यातील रुग्णालयात 21 वर्षीय नर्ससोबत घृणास्पद कृत्य; आरोपी डॉक्टर फरार

पोलिसांनी (Police) दिलेल्या माहितीनुसार, विदिशाच्या लटेरी येथील मलिया खेडी येथे मंगळवारी रात्री नवविवाहित जोडपं सोबत झोपलेलं असतानाच पतीची हत्या झाली. यावेळी पत्नीनी आपण बेशुद्ध होतो असं सांगितलं, मात्र याप्रकरणात पोलिसांना सुरुवातीपासूनच पत्नीवर संशय होता. आता याप्रकरणी पोलिसांनी मोठा खुलासा केला आहे.

एक दिवस आधीच सासरी आलेल्या पत्नीनं आपल्या 4 वर्षापासूनच्या प्रियकरासोबत मिळून आपल्याच पतीची हत्या केली. पोलिसांनी दोघांनाही अटक केली आहे. महिलेनं आपल्या प्रियकराला फोन करून बोलावलं. ती म्हणाली, की तू घरी ये आणि सोनूला मारून टाक. शुभमनं आपल्या गाडीत 2200 रुपयांचं पेट्रोल टाकलं आणि कुऱ्हाड घेऊन हत्या करण्यासाठी गावात आला.

15दिवसांपूर्वी कामासाठी आला अन् कायमचा संपला;रुममेटनं चेहरा जाळून गुप्तांग कापलं

प्रेमी गुगलच्या मदतीनं गावात पोहोचला होता आणि घराबाहेर त्याची प्रेयसी त्याची वाट पाहत होती. यानंतर दोघांनी हत्या केली. लग्नानंतर अवघ्या पंधरा दिवसातच पत्नीनं आपल्या पतीची निर्घृणपणे हत्या केली. या घटनेनंतर गावात एकच खळबळ उडाली.