Sagar Rana Murder Case: कुस्तीपटू सुशील कुमारच्या अडचणी वाढल्या; CCTV मधून सत्य उजेडात

नवी दिल्ली, 22 मे: काही दिवसांपूर्वी दिल्लीतील छात्रसाल स्टेडियममध्ये 23 वर्षीय पैलवान सागर राणा याची हत्या (Sagar Rana Murder Case) झाल्याची घटना घडली होती. या हत्येतील प्रमुख आरोपी म्हणून ऑलिम्पिक पदक विजेता पैलवान सुशील कुमार (Sushil Kumar) याचं नाव समोर आलं होतं. पोलिसांनी तपास सुरू करताच सुशील कुमार फरार झाला आहे. मागील काही दिवसांपासून दिल्ली पोलीस सुशील कुमारचा शोध घेत आहे. शिवाय सुशील कुमारची माहिती देणाऱ्यांना बक्षिसही जाहीर करण्यात आलं आहे. आता या प्रकरणात नवीन ट्विस्ट आला असून सुशील कुमारच्या अडचणी वाढताना दिसत आहेत. कारण फॉरेन्सिक सायन्स लॅबनं आपल्या अहवालात मोबाईलमधील व्हिडीओ फुटेज योग्य असल्याचं सांगितलं आहे. या व्हिडीओमध्ये सुशीलकुमार आपल्या साथीदारांसह 23 वर्षीय पैलवान सागर राणाला बेदम मारहाण करताना दिसत आहे. छत्रसाल स्टेडियमच्या CCTV फुटेजमध्येही सुशील कुमार आपल्या 20 ते 25 साथीदारांसह सागर धनखड आणि अन्य दोघांना मारहाण करताना दिसत आहे. संबंधित CCTV फुटेजमध्ये सुशील कुमार, सागर आणि अन्य दोघांना हॉकी स्टिकनं मारहाण करत आहे. हा व्हिडीओ खरा असल्याचं फॉरेन्सिक सायन्स लॅबनं आपल्या अहवालात म्हटलं आहे.

Sushil Kumar was seen at Meerut toll plaza: Delhi Police

Read @ANI Story | https://t.co/yOUydnODuI pic.twitter.com/PhtasLESaV — ANI Digital (@ani_digital) May 20, 2021

पैलवान सागर राणा हत्या प्रकरणात दिल्ली पोलिसांनी कुस्तीपटू सुशील कुमार आणि इतर आरोपी विरोधात अजामीनपात्र वॉरंट जारी केला आहे. तर दुसरीकडे कुस्तीपटू सुशील कुमारनं अटकपूर्व जामीनासाठी न्यायालयात धाव घेतली होती. पण न्यायालयानंही त्याला दिलासा दिला नाही. सागर राणा हत्या प्रकरणात संशयित आरोपींची चौकशी आवश्यक असल्याचं न्यायालयानं आपल्या निकालात म्हटलं होतं. यानंतर आता फरार आरोपी सुशील कुमार मेरठ येथील एका टोल नाक्यावर सीसीटीव्ही फुटेजमध्ये दिसला आहे. हे वाचा- धक्कादायक! ऑलिंपिक पदक विजेता कुस्तीपटू सुशील कुमारवर खुनाचा आरोप,पोलिसांकडून शोध सुरू तेव्हापासून पोलिसांनी फरार आरोपी सुशील कुमारची माहिती देणाऱ्याला 1 लाख रुपये बक्षिसाची घोषणा केली आहे. तर सुशील कुमारचा प्रमुख साथीदार आणि फरार आरोपी अजय याची माहिती देणाऱ्यास 50 हजार रुपयांच्या बक्षिसाची घोषणा करण्यात आली आहे. सुशील कुमार आपल्या साथीदारांसोबत तयारीनिशी येऊन लोखंडी रॉड आणि हॉकी स्टीकनं मारहाण केली आहे. मृत सागर राणाच्या अंगावर 50 हून अधिक जखमा झाल्याचं वैद्यकीय तपासणीत समोर आलं आहे.