लग्नाच्या 15 दिवसातच नववधू दागिने घेऊन छू मंतर, समोर आलं धक्कादायक वास्तव

राजस्थान, 13 फेब्रुवारी: राजस्थानच्या बाडमेर (Rajasthan Barmer) जिल्ह्यात पुन्हा एकदा लुटारू नववधूच्या टोळीनं (Robbery bride gang) एका तरुणाला बळीचा बकरा बनवलं आहे. येथे दलालाने गुजरातमध्ये राहणाऱ्या एका विवाहितेचे एका तरुणाशी लग्न लावून तीन लाख रुपयांची फसवणूक केली. ही वधू लग्नानंतर 15 दिवसांनी दागिने घेऊन फरार झाली आहे. या घटनेनं वरासह संपूर्ण कुटुंबाला धक्का बसला आहे.

मिळालेल्या माहितीनुसार, बाडमेर जिल्ह्यातील भीमडा येथील रहिवासी मेहराराम यांनी 4 फेब्रुवारी रोजी पोलीस ठाण्यात तक्रार नोंदवली. त्यात त्यांनी सांगितले की, त्यांच्या शेजारी राहणारा जोगाराम यानं काही महिन्यांपूर्वी लग्न करून देण्याचे बोलले होते. त्याबदल्यात तीन लाख रुपयांची मागणी करण्यात आली. यानंतर 24 नोव्हेंबर 2021 रोजी दलाल तरुणीला घेऊन बाडमेर येथे आला आणि काही महिन्यांपूर्वीच तिचे लग्न लावून देण्याचे बोलले. त्याबदल्यात तीन लाख रुपयांची मागणी करण्यात आली. यानंतर 24 नोव्हेंबर 2021 रोजी तो दलाल तरुणीसोबत बाडमेर येथे आला आणि कोर्टात लग्न केले. यानंतर पीडित तरुणाने जोगारामसह अन्य दोघांना तीन लाख रुपये दिले.

भावाच्या खात्यात 50 हजार रुपयेही टाकले

बाडमेरमध्ये कोर्टात लग्न झाल्यानंतर मेहरा राम ममता नावाच्या वधूला आपल्या गावी घेऊन गेला. तिथे हिंदू रितीरिवाजांनुसार लग्न केले. तरुणाने सांगितले की, सुरुवातीच्या दिवसांमध्ये सर्व काही ठीक चालले होते. सुमारे 10 दिवसांनंतर नववधू ममताने कोणत्यातरी बहाण्याने 40 हजार रुपये तिच्या भावाच्या खात्यात जमा करायला सांगितले.

तक्रारदारानं सांगितले की, डिसेंबर महिन्यात तो मजदूरी साठी गेला होता, तेव्हा वधू ममता दागिने आणि 50 हजार रुपये घेऊन फरार झाली. परत आल्यावर ममता घरी न दिसल्यानं त्यानं तिला फोन केला. त्यावर तिनं आईच्या वाईट प्रकृतीबद्दल सांगितले. यासह 15 ते 20 दिवसांत परत येणार असल्याचे सांगितले.

वधूने वराला सांगितले की, तिचे आधीच लग्न झालं आहे

यानंतर तरुणाला संशय आल्यानं त्याने दलालाशी बोलणंही केले, मात्र तोही उत्तर देत नव्हता. अनेक दिवसांनी गुन्हा दाखल झाला. पीडितेच्या म्हणण्यानुसार, त्याने वधूला वारंवार फोन करून ती कधी येणार असे विचारले असता तिने सांगितले की, तिचे आधीच लग्न झाले आहे, तिला एक मूलही आहे. हे ऐकून मेहरा रामला धक्काच बसला.

याप्रकरणी कारवाई सुरू- तपास अधिकारी म्हणाले

याप्रकरणी पोलीस तपास अधिकारी इंदर सिंग यांनी सांगितले की, पीडितेच्या अहवालाच्या आधारे गुन्हा दाखल करण्यात आला असून तपास सुरू करण्यात आला आहे. या अहवालात दलाल जोगाराम आणि इतरांविरुद्ध बनावट कागदपत्रे तयार करून लग्न करण्याचा कट रचल्याचा गुन्हा दाखल करण्यात आला आहे. पीडितेचे जबाब घेण्यात आले असून, कारवाई सुरू आहे.