दारू प्यायला मित्रांनी फोन केला, पण घरी येताना मृतदेह आला, धक्कादायक कारण समोर

सुशांत सोनी, (हजारीबाग) 10 मार्च : झारखंडमधील हजारीबागमध्ये तरुणाचा संशयास्पद मृत्यू झाल्याची घटना समोर आली आहे. ही घटना इचक पोलीस ठाण्याच्या हद्दीतील फुफंडी गावातील आहे. मिळालेल्या माहितीनुसार, अंबातांड गावात राहणाऱ्या प्रदीप कुमार दास यांना त्यांचे दोन मित्र दीपक कुमार मेहता आणि शंकर कुमार मेहता यांचा फोन आला. त्यानंतर तो त्या दोन मित्रांसह देशी दारूचा व्यवसाय करणाऱ्या विनोद मेहता यांच्या घरी गेला. तिथल्या सर्वांनी मांसाहारासोबत दारू प्यायली.

यानंतर प्रदीपचा तेथेच मृत्यू झाला. विनोद मेहता हे त्यांच्या घरी अवैध दारू भट्टी चालवतात. रात्री उशिरापर्यंत प्रदीप घरी न परतल्याने नातेवाईकांनी शोधाशोध सुरू केली. यादरम्यान मद्यविक्रेते विनोद कुटुंबीयांच्या मदतीने प्रदीपचा मृतदेह घराबाहेर काढताना दिसला. यावरून गदारोळ झाला. याची माहिती गावात पसरली. मात्र, तोपर्यंत घराला कुलूप लावून विनोद फरार झाला होता.

सुनेच्या मासिक पाळीचं रक्त मांत्रिकाला विकलं अन्.., जादूटोण्याच्या प्रकारानं बीड पुन्हा हादरलं

ग्रामस्थांच्या माहितीवरून पोलीस घटनास्थळी पोहोचले. पोलिसांनी प्रदीपचा मृतदेह ताब्यात घेऊन पोस्टमॉर्टमसाठी पाठवला. प्रदीपसोबत गेलेले त्याचे दोन्ही मित्रही फरार असल्याचे सांगण्यात येत आहे. त्याचा मित्र आणि दारू विक्रेते विनोद कुमार मेहता याने कट रचून त्याची हत्या केल्याचा आरोप प्रदीपच्या कुटुंबीयांनी केला आहे. 

Photos: टोमॅटोला फक्त 2 रुपये किलो भाव, निराश शेतकऱ्यानं पिकांमध्ये सोडली जनावरं!

या दरम्याान इचक पोलिस ठाण्याचे प्रभारी धनंजय कुमार सिंह यांनी सांगितले की, घटनेची प्रत्येक बाजू तपासली जात आहे. शवविच्छेदन अहवाल आल्यानंतर मृत्यूचे कारण स्पष्ट होईल.