9 सप्टेंबर रोजी या सहा वर्षांच्या मुलीचं तिच्या घराबाहेरून अपहरण करण्यात आलं. अपहरणानंतर तिच्यावर बलात्कार करण्यात आला आणि नंतर तिला मारून टाकण्यात आलं होतं. त्यांच्या शेजारी राहणाऱ्या व्यक्तीनेच हे कृत्य केल्याचा आरोप करण्यात आला होता. बेडशीटमध्ये गुंडाळलेला तिचा मृतदेह आरोपीच्या घरात सापडला होता. तोपर्यंत आरोपीने तिथून पलायन केलं होतं. त्या मुलीवर लैंगिक अत्याचार झाल्याचं आणि तिचा गळा आवळून ठार केल्याचं उस्मानिया हॉस्पिटलमध्ये केलेल्या शवविच्छेदनातून स्पष्ट झालं. या भयावह प्रकारानंतर नागरिकांनी 10 सप्टेंबर रोजी खूप मोठं आंदोलन केलं. चंपापेट-सागर रोडवर सात तास ठिय्या आंदोलन करण्यात आलं. दोषी व्यक्तीला तातडीने पकडून त्याच्यावर लवकरात लवकर कठोर कारवाई करावी, ही मागणी लावून धरण्यात आली. दोषीचं एन्काउंटर करावं, अशी मागणीही काही आंदोलकांनी केली. तपासाला उशीर होत असल्याबद्दल विरोधी पक्षांनी सरकारला धारेवर धरलं. तेलंगणा काँग्रेसचे अध्यक्ष रेवंथ रेड्डी यांनी पीडितेच्या कुटुंबाची भेट घेतली. दोषी व्यक्तीचं एन्काउंटर करायला पाहिजे, अशी मागणीही त्यांनी केली. मुख्यमंत्री के. चंद्रशेखर राव आणि त्यांचे पुत्र के. टी. रामा राव यांनी पीडितेच्या कुटुंबीयांची भेट न घेतल्याबद्दल रेवंथ रेड्डी यांनी त्यांच्यावर टीकेची झोड उठवली. महिला आणि बालकांवर होणारे अत्याचार रोखण्यात अपयश येत असल्याने भाजपचे राष्ट्रीय उपाध्यक्ष डी. के. अरुणा यांनीही राज्य सरकारवर टीका केली.#AttentionPlease : The accused of "Child Sexual Molestation and murder @ Singareni Colony, found dead on the railway track, in the limits of #StationGhanpurPoliceStation. Declared after the verification of identification marks on deceased body. pic.twitter.com/qCPLG9dCCE
— DGP TELANGANA POLICE (@TelanganaDGP) September 16, 2021
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Hyderabad