मराठी बातम्या /बातम्या /क्राईम /

नात्याला काळीमा! अल्पवयीन मुलीशी लग्न; पतीने वडिलांसोबत शारीरिक संबंध ठेवण्यास पाडलं भाग

नात्याला काळीमा! अल्पवयीन मुलीशी लग्न; पतीने वडिलांसोबत शारीरिक संबंध ठेवण्यास पाडलं भाग

अल्पवयीन मुलीशी जबरदस्तीने लग्न करून तिचं सलग 3 वर्षे लैंगिक शोषण केल्याची एक धक्कादायक घटना समोर आली आहे. तसंच आरोपीने अल्पवयीन पत्नीला आपल्या वडिलांशीही लैंगिक संबंध ठेवण्यास भाग पाडलं आहे.

अल्पवयीन मुलीशी जबरदस्तीने लग्न करून तिचं सलग 3 वर्षे लैंगिक शोषण केल्याची एक धक्कादायक घटना समोर आली आहे. तसंच आरोपीने अल्पवयीन पत्नीला आपल्या वडिलांशीही लैंगिक संबंध ठेवण्यास भाग पाडलं आहे.

अल्पवयीन मुलीशी जबरदस्तीने लग्न करून तिचं सलग 3 वर्षे लैंगिक शोषण केल्याची एक धक्कादायक घटना समोर आली आहे. तसंच आरोपीने अल्पवयीन पत्नीला आपल्या वडिलांशीही लैंगिक संबंध ठेवण्यास भाग पाडलं आहे.

  • Published by:  News18 Desk

कोटा, 21 फेब्रुवारी: अल्पवयीन मुलीशी जबरदस्तीने लग्न करून तिचं सलग 3 वर्ष लैंगिक शोषण (Sexual Assault) केल्याचा एक धक्कादायक प्रकार समोर आला आहे. आरोपी एवढ्यावर थांबला नाही, तर त्याने आपल्या अल्पवयीन पत्नीला आपल्या वडिलांशीही लैंगिक संबंध (Sexual Relation) ठेवण्यास भाग पाडलं आहे. नात्याला काळीमा फासणाऱ्या या घटनेची माहिती मिळाल्यानंतर पोलिसांनी संबंधित आरोपीला अटक केली आहे. पोलीस घटनेचा पुढील तपास करत आहेत.

मिळालेल्या माहितीनुसार, 2017 साली पीडित मुलीचं एक मध्यमवयीन व्यक्तीशी लग्न झालं होतं. त्यावेळी तिच्या वडिलांचं नुकतचं निधन झालं होतं, तर तिची आई सतत आजारी होती. त्यामुळे तिच्या दोन्ही आत्यांनी तिचं जबरदस्तीने लग्न लावून दिलं होतं. पीडितेनं याचा विरोध केला असता, तिला आरोपी सुनिलने घरात डांबून ठेवलं आणि तिचं लैंगिक शोषणही केलं.

पीडित मुलीने 3 वर्ष पतीचा छळ सहन केला

सलग 3 वर्ष घरात कैद राहिल्यानंतर, आजोबांच्या निधनाच्या निमित्ताने पीडितेची आरोपी सुनीलच्या तावडीतून सुटका झाली. त्यानंतर तिने मध्य प्रदेशातील झाशी येथे पतिविरोधात गुन्हा दाखल केला. गुन्हा दाखल केल्यानंतर कोटा पोलिसांनी आरोपीला पकडून झांसी पोलिसांच्या हवाली केलं आहे.

(वाचा -हृदय पिळवटून टाकणारी घटना! 5 वर्षांच्या चिमुकलीचं अपहरण करुन बलात्कार)

आरोपी पतीने क्रौर्याच्या सर्व परीसीमा ओलांडल्या

आरोपी सुनीलने पीडित मुलीला गेल्या तीन वर्षांपासून सतत घरात कैद करून ठेवलं होतं. त्याने तिच्यावर अनेकदा बलात्कार केला. इतकंच नाही, तर त्याने क्रौर्याच्या सर्व मर्यादा ओलांडत, अल्पवयीन पत्नीला आपल्या पित्याशीच शारीरिक संबंध ठेवण्यास भाग पाडलं आहे. नकार दिल्यानंतर तिला अनेकदा मारहाणही करण्यात आली. गेल्या 3 वर्षांपासून नरकयातना भोगणारी पीडित युवती आपल्या आजोबांच्या मृत्यूमुळे गावात आली होती. यावेळी तिने आपल्यासोबत सुरू असलेल्या अत्याचाराची कहाणी आपल्या भावाला सांगितली. त्यानंतर पीडितेनं झांसी पोलीस ठाण्यात पतीविरुद्ध गुन्हा दाखल केला.

(वाचा -धक्कादायक! नोकरीचं आमिष दाखवून तरुणीवर बलात्कार; एका महिलेसह 4 जणांना अटक)

या प्रकरणी, झांसी पोलिसांनी पतीविरोधात कैद करून ठेवणं, बलात्कार आणि छळ केल्याच्या आरोपाखाली गुन्हा दाखल केला आहे. त्याचबरोबर आरोपीच्या वडिलांसह पीडितेच्या दोन्ही आत्यांविरोधातही खटला दाखल करण्यात आला आहे. सध्या पोलिसांनी केवळ आरोपी सुनीलला अटक केली असून घटनेचा तपास सुरू आहे.

First published:

Tags: Crime news, Rajsthan, Rape, Sexual assault