तक्रार करणाराच निघाला झोलर, मित्राच्या मदतीने केलं प्लानिंग, पोलिसांनी असं केलं डिकोड!

संतोष कुमार गुप्ता, प्रतिनिधी

छपरा, 17 मार्च : देशात दिवसेंदिवस गुन्हेगारीच्या घटना समोर येत आहेत. आर्थिक फसवणुकीचेही प्रकार समोर येत आहेत. यानंतर आता एक धक्कादायक घटना समोर आली आहे. बिहारच्या छपरा जिल्ह्यातील पोलिसांनी एका घरफोडीचा अनोखा प्रकार उघडकीस आणला आहे.

तक्रारदारच हा लूट प्रकरणातील मुख्य आरोपी निघाला. ही घटना पारसा पोलीस ठाण्याच्या हद्दीशी संबंधित असून, भारत फायनान्सच्या कर्मचाऱ्यावर यापूर्वी दरोड्याचा गुन्हा दाखल करून 1.64 लाख रुपयांच्या चोरीचा गुन्हा दाखल करण्यात आला होता. गुन्हा दाखल झाल्यानंतर पोलिसांनी तपास सुरू केला असता या प्रकरणी धक्कादायक माहिती समोर आली. त्यानंतर पोलिसांनी तक्रारदारावर मुसक्या आवळल्या, त्यानंतर हा संपूर्ण प्रकार समोर आला.

मित्रासोबत त्याने दरोड्याचा कट रचला होता -

एसपी गौरव मंगला यांनी सांगितले की, दर्यापूर येथील रहिवासी असलेल्या सुशील कुमारने स्वतः पैसे हडपण्याचा कट रचला होता. यामध्ये सुशीलचे काही मित्रही सामील होते. पोलिसांनी सुशील कुमारसह त्याचा जवळचा मित्र कुंदन कुमारला अटक केली. त्याने चौकशीत आपला सहभाग मान्य केला आहे. परसा पोलीस ठाण्यांतर्गत दरोड्यात सहभागी असलेल्या दोन गुन्हेगारांना अटक करून लुटलेले 1 लाख 64 हजार रुपयेही जप्त करण्यात आले, अशी माहिती पोलीस अधीक्षक गौरव मंगला यांनी दिली.

5 वर्षांपूर्वी केलं Love Marriage, पण बायकोचं 4 वर्षांपासून बाहेर अफेअर, नवऱ्यासोबत घडलं भयानक कांड

यानंतर पोलिसांनी दरियापूरच्या मंगलपाल गावात राहणाऱ्या सुशील कुमारला अटक केली. चौकशीत इतर लोकांचाही सहभाग असल्याचे समोर आले आहे. त्यांच्याकडून रक्कमही जप्त करण्यात आली. दरियापूर पोलीस ठाण्याचे निरीक्षक रुपेशकुमार वर्मा यांनीही या घोटाळ्याच्या तपासात महत्त्वाची भूमिका बजावली होती.