DC अवंती कार घोटाळा प्रकरणात एका अभिनेत्याचे नाव समोर, लवकरच होऊ शकते अटक

मुंबई, 08 जानेवारी : DC डिझाईन कंपनी घोटाळा प्रकरणी (dc design scam) काॅमेडीयन आणि अभिनेता कपिल शर्मा (kapil Sharma) याचे नाव समोर आले आहे. कपिल शर्मा याने मुंबई पोलीस मुख्यालयातील CIU कार्यालयालयात येवून आपला जबाब नोंदवला.  कपिल शर्माने DC डिझाईन कंपनीने आपली फसवणूक केल्याचे त्याने या तक्रारीत म्हटलं आहे. या प्रकरणात आता एक बाॅलिवूड अभिनेता देखील मुंबई पोलिसांच्या रडारवर आहे.

कोट्यवधी रुपयांच्या गाड्या आणि गाड्यांच्या पार्टवर कर्ज घेवून त्या गाड्यांची नोंद न करण्याचा घोटाळा उघडकीस आला आहे.  DC डिझाईन या कंपनीने अनेकांची फसवणूक केल्याचे पोलीस तपासात समोर आले आहे. याच अनुषंगाने कपिल शर्माने देखील याआधी DC कंपनीविरोधात तक्रार केली होती. त्यामुळे कपिल शर्माला गुरुवारी मुंबई पोलिसांनी जबाब नोंदवण्याकरता बोलावले होते.

अतिशय वेगाने बदलत आहेत पृथ्वीवरील ही ठिकाणं, थक्क करणारे Before-After फोटो

या प्रकरणात आता एक बाॅलिवूड अभिनेता देखील मुंबई पोलिसांच्या रडारवर आहे. कारण प्रसिद्ध कार डिझायनर DC अवंती प्रकरणी आता बाॅलिवूडमघील एका मोठ्या अभिनेत्याचे नाव समोर आले आहे. या अभिनेत्याला कोणत्याही क्षणी मुंबई पोलिसांचे CIU पथक अटक करू शकते. या अभिनेत्याने DC डिझाईन कंपनीकडून गाडी खरेदी करण्याच्या कागदपत्रांवर सह्या केल्या आहेत. प्रत्यक्षात मात्र या अभिनेत्याने DC डिझाईन कंपनीची अवंती गाडी घेतील नसून फक्त आपल्या नावाचा वापर DC डिझाईन कंपनीला करण्यास दिला. जेणे करुन या अभिनेत्याने DC डिझाईन कंपनीची अवंती गाडी घेतली असल्याचे भासवून इतरही DC डिझाईन कंपनीची अवंती गाडी घेतील.

'माझं शोषण होतंय, आता तुमची वेळ', अभिनेत्री कंगना रणौतनं शेअर केला VIDEO

दरम्यान DC डिझाईन कंपनीच्या अवंती गाडी घोटाळा प्रकरणी धक्कादायक खुलासे झाले असून DC डिझाईन अवंती गाड्यांऐवजी इतर महागड्या गाड्या 68 गाड्या देखील DC डिझाईनने कर्जावर घेतल्या होत्या. ज्यांची अंदाजे किमंत 150 कोटी रुपये सांगितली जात आहे. या 68 गाड्यांवर DC डिझाईनने बॅंकांकडून कोट्यवधी रुपयांचे कर्ज घेतले आहे. मात्र, या गाड्या सध्या अस्तित्वात नसून बॅंकांचे पैसे ही DC डिझाईन कंपनीने परत केले नसल्याचे तपासात समोर आले आहे. BMW, Porsche, Meback, Benttaly, Range Rover, volvo या कंपन्यांच्या महागड्या गाड्यांच्या तसंच 36 लाख रुपयांची बाईक यांचा या 68 गाड्यांमध्ये समावेश आहे.

मुंबई येथील DC डिझाईन कंपनीच्या शो रुमवर CIU च्या पथकाने छापा टाकला होता. तिथे एक गाडी सापडली त्या गाडीमधील चेसी आणि इंजिनवर नंबरच नव्हते. तर DC डिझाईनच्या पुणे येथील शो रुमवर CIU च्या पथकाने छापा टाकला होता. या छाप्यात 14 DC डिझाईन कंपनीच्या गाड्या, 19 इतर कंपन्यांच्या गाड्या आणि 40 इंजिन सापडले होते.

Wifi च्या स्लो स्पीडची समस्या येतेय? या टिप्स ठरतील फायदेशीर

CIU पथकाला मिळालेल्या माहितीनुसार, DC डिझाईन कंपणीने 400 गाड्यांचे इंजिन मागवले होते, त्यापैकी 127 गाड्यांमध्ये इंजिन लावून त्या गाड्या विकल्या गेल्या. पुणे येथील छाप्यात 40 इंजिन सापडलेत तर उर्वरित 233  इंजिन कुठे आहेत याचा शोध CIU चे पथक घेत आहे.

29 डिसेंबरला दिलिप छाब्रिया यांना अटक करण्यात आली होती. एन्काऊंटर स्पेशालिस्ट आणि CIU पथकाचे वरीष्ठ अधिकारी सचिन वझे यांनी ही कारावई केली असून  दिलिप छाब्रिया यांच्या अटकेने खळबळ उडाली होती. ही कारवाई सहपोलीस आयुक्त मिलिंद भारांबे, अपर पोलीस आयुक्त वीरेश प्रभू, पोलीस उपायुक्त अकबर पठाण यांच्या मार्गदर्शनाखाली ही कारवाई करण्यात आली.