सासूचे टोमणे जावायाच्या जिव्हारी! झटक्यात संपवलं आयुष्य; सुसाईड नोटने उघडलं रहस्य

कोटा, फेब्रुवारी : कोटा येथे सासूच्या टोमण्याला कंटाळून जावयाने गळफास घेऊन मृत्यूला कवटाळलं आहे. आत्महत्येनंतर तीन दिवसांनी तरुणाच्या पाकिटात आढळलेल्या सुसाईड नोटवरून या प्रकरणातील धक्कादायक खुलासे झाले आहेत. मृत चेतन जांगीड हा केशवपुरा सेक्टरचा रहिवासी होता. चेतनने चार दिवसांपूर्वी स्वत:च्या खोलीत पंख्याला गळफास घेऊन आत्महत्या केली. सासरच्या मंडळींनी मारहाण करून लाखो रुपयांची मागणी केल्याचा गंभीर आरोप मृताच्या नातेवाइकांनी केली आहे.

चेतनने आपल्या भावनिक सुसाईड नोटमध्ये सासूला तुरुंगात पाठवण्याबाबत आणि त्याच्या संपत्तीतील हिस्सा पत्नीला न देण्याबाबत लिहिले आहे. पोलीस या संपूर्ण प्रकरणाचा सखोल तपास करण्यात व्यस्त आहेत. सध्या तरी नातेवाईकांकडून कोणतीही सुसाईड नोट उपलब्ध झालेली नाही, असे पोलीस अधिकाऱ्यांनी सांगितले. चेतनने सुसाईड नोटमध्ये लिहिले की, 'मी आणि पूजा दोघेही एकत्र राहत होतो. माझी सासू आणि सासरे माझ्याकडे पैशाची मागणी करायचे. मी माझ्या मुलांचे पोट कसंतरी भरत होतो.

पूजाच्या आईला तुरुंगात टाका

त्यांनी पूजाचे दागिनेही विकल्याचे नोटमध्ये लिहिले. दोन लाख द्या आणि मुलांना घेऊन जा, असे सांगितले. मी त्यांना दोनदा न्यायला गेलो असता त्यांनी मला बेदम मारहाण करून पोलीस ठाणे गाठले. ते म्हणाले, की तुझ्या आई-वडिलांच्या घरात वाटा घेईन. माझ्या सासूबाईंचे टोमणे ऐकून मी अस्वस्थ होतो. माझ्या मृत्यूनंतर पूजा आणि दोन्ही मुलांना कोणताही वाटा देऊ नये. पूजाच्या आईला तुरुंगात टाका.

वाचा - मेहुणीसोबत अफेअर, लग्न करण्यासाठी Valentine Day ला पत्नीसोबत पतीचं भयानक कांड

मी पूजाला फसवले नाही

माझ्या मृत्यूनंतर पूजा आणि दोन्ही मुलांना कोणत्याही गोष्टीत वाटा देऊ नये. ते तिच्या आईकडे राहतील. मला माझ्या आई-वडिलांकडून कोणताही वाटा द्यायचा नाही. पूजा आणि माझे काही भांडण झाले नाही. तिच्या आईने माझ्याकडे पैसे मागितले. म्हणाली मी 5 लाख घेईल. तुला काय करायचं ते कर. जयपूरला आलास तर मारून टाकीन. माझ्या सासू, सासरे आणि पूजा यांच्यावर कारवाई करा. त्यांनी पुढे लिहिले की, मी मुलांची शपथ घेतो. मी पूजाला फसवले नाही.

सासू मला मारण्यासाठी माणसं आणायची

त्याने लिहिले की, मला मारण्यासाठी माझी सासू कुठून माणसं आणत असे. मी माझ्या दोन मुलांशी आणि पूजाशी बोललो. तुझ्या आईकडून दागिने घेऊन ये असे सांगितले. माझ्या सासूबाईंनी दागिने विकले आहेत. सासरच्या मंडळींनी तिला धमकावून मारहाण केल्याचा तसेच लाखो रुपयांची मागणी केल्याचा आरोपही कुटुंबीयांनी केला आहे. चेतनने 15 फेब्रुवारी रोजी गळफास घेऊन मृत्यूला कवटाळले होते. सध्या या संपूर्ण प्रकरणाचा तपास महावीर नगर पोलीस करत आहेत.