ड्रग्जचा व्यापार करणारी महिला गजाआड; कोटींची बंगला, हिऱ्याचे दागिने असा होता थाट

ड्रग्जचा व्यापार करणारी महिला गजाआड; कोटींची बंगला, हिऱ्याचे दागिने असा होता थाट

पुण्यातील या महिलेने देशभरात ड्रग्जचा मोठा व्यापार सुरू केला होता. यामध्ये अनेक पार्ट्यांमध्ये ती ड्रग्ज पुरवित होती

  • Share this:

इंदूर, 10 डिसेंबर : ड्रग्ज विरोधी अभियानात इंदूरमधील पोलिसांना मोठं यश मिळालं आहे. पोलिसांनी एका अशा महिलेला पकडलं आहे, जी ड्रग्जच्या मोठ्या व्यवसायाशी संबंधित आहे. पोलिसांनी स्कीम-78 येथील निवासी प्रिती जैन उर्फ काजल उर्फ सपना आंटीला ड्रग्ज सप्लाय करण्याच्या आरोपाखाली अटक केली आहे.

या महिलेने शहरातील अनेक पब, रेस्टॉरंट्स, कॅफे, पूल क्लब आणि जिममध्ये ड्रग्ज पुरवल्याची कबुली दिली आहे. गोवा आणि मुंबई येथील नायजेरियन तस्करांशीही तिचा संबंध आहे. विजयनगर पोलीस ठाण्यात 2 दिवसांपूर्वी पकडलेल्या ड्रग पेडर्सकडून या आंटीची माहिती मिळाली. महिलेने मोठमोठे बिल्डर, व्यापारी आणि पब ऑपरेटर नशेचं व्यसन लावलं आहेत. ही महिला महिन्याला सुमारे 10 लाख रुपयांच्या ड्रग्जची विक्री करते.

शहरातील पब्जमध्ये ड्रग्स पुरवठा

शहरातील सर्व पब्जमध्ये ड्रग्ज पुरवठा केला जातो. ही आरोपी मूळची पुण्याची आहे. इंदूर येथील रहिवासी दीपक जैन यांच्याशी लग्नानंतर ती येथे आली होती. महिलेने पोलिसांच्या चौकशीत सांगितलं की, मोठ्या पब्जमध्ये त्यांची नजर होती आणि पार्किंगमध्ये तिचे पॅडलर फिरत राहत होते. या भागात महिलेचे लोक ड्रग्ज सप्लाय करीत होते.

कोडवर्डने केलं जातं काम

ग्राहक आणि पॅडलरदरम्यान कोड वर्डने काम केलं जात होतं. जसे तरुण-तरुणी वा अन्य ग्राहक चॉकलेट, रिया, माल, म्याऊं, मम्मी सारखे कोडवर्डचा वापर करीत होते. त्यावेळी त्यांना एमडीएम दिली जात होती. याशिवाय मोठे आणि श्रीमंत तरुण आणि तरुणी त्यांना सरळ कॉल करुन एबी रोडवर ड्रग्ज देण्यासाठी येत होते.

लक्झरी कार म्हणून येणारे ग्राहक

ही महिला आपल्या ग्राहकांमध्ये खूप प्रसिद्ध आहे. ग्राहकांमध्ये अशा लोकांचा समावेश आहे जे ऑडी, मर्सिडीज, बीएमडब्ल्यू सारख्या कारमधून येत असतात. आरोपीने तिचा एक मोबाईलदेखील तोडला होता. मोबाईलचा डेटा जप्त करून पोलीस अमली पदार्थांच्या व्यापाराचे रहस्य उलगडण्याचा प्रयत्न करीत आहेत. पोलीस अधिकाऱ्यांच्या म्हणण्यानुसार महिलेला ऑपरेशन रिया अंतर्गत अटक करण्यात आली आहे. एमडीएमए विकल्याप्रकरणी पोलिसांनी मंगळवारी सोहन उर्फ ​​जोजो, धीरज सोनटिया, कपिल पाटणी, विक्की परियानी, यास्मीन, अमरीन उर्फ ​​मोती आणि सद्दाम यांना अटक केली. चौकशीत आणि मोबाईल तपासणीत महिलेचा नंबर सापडला. आरोपीने सांगितले की महिला आपला मुलगा यशच्या माध्यमातून शहरातील पब, रेस्टॉरंट्स, कॅफे, बार, जिम, पूल क्लब आणि फार्म हाऊसमधील पार्ट्यांमध्ये ड्रग्ज पुरवतो. महिलेला दागिन्यांचीही आवड आहे. ती डायमंड स्टड सोन्याचे दागिने घालते. महिलेचा स्कीम -78 मध्ये अनेक कोटींचा बंगला आहे. पोलिसांनी महिलेला अटक केली तेव्हा तिने इंग्रजीत फटकार सुरू केली. मी एसआयला सांगितले की तुम्ही मला हात लावण्याची हिम्मत कशी केली. त्याचवेळी महिलेला वाचवण्यासाठी 3 तरुण महिलाही पोलीस ठाण्यात पोहोचल्या होत्या.

Published by: Meenal Gangurde
First published: December 10, 2020, 9:34 PM IST

ताज्या बातम्या