8 महिन्यात 8 हत्या आणि 6 हजारांचा बळी; कुख्यात गँगस्टरचा पुढील प्लान ऐकून पोलीसही हैराण

8 महिन्यात 8 हत्या आणि 6 हजारांचा बळी; कुख्यात गँगस्टरचा पुढील प्लान ऐकून पोलीसही हैराण

पवन नेहरा हा लॉरेन्स बिश्नोईच्या (punjab gangster lawrence bishnoi) टोळीत काम करत होता.

  • Share this:

गुरुग्राम, 26 नोव्हेंबर : हरियाणा, पंजाब आणि राजस्थानसह अनेक राज्यांत पोलिसांसाठी डोकेदुखी ठरलेल्या गँगस्टर पवन नेहरा याला अखेर पोलिसांनी अटक केली आहे. उत्तराखंडमधील उधमसिंह नगर येथून पोलिसांनी त्याला अटक केली. पवन नेहरा हा लॉरेन्स बिश्नोईच्या (punjab gangster lawrence bishnoi) टोळीत काम करत होता. गेल्या आठ महिन्यांत पवन नेहराने खुनाच्या आठ घटना घडवून आणल्या. त्याच्यासमवेत पोलिसांनी इतर दोन शूटर्सनाही अटक केली आहे. पोलिसांनी दिलेल्या माहितीनुसार, पवन नेहरा आणखी एका मोठ्या घटनेची योजना आखत होता.

गुरुग्राम पोलिसांनी उत्तराखंडमधील उधम सिंग नगरमधून गुंड पवन नेहराला अटक केली. एसीपी क्राइम प्रीतपाल सिंह म्हणाले की, पवन नेहरा याने आठ महिन्यांत आठ खून केले आहेत. लॉरेन्स बिश्नोईशी तो संपर्कात आहे. पोलिसांनी झज्जर येथून जेडी उर्फ ​​आशिष आणि रोहतक येथून पवन नेहरा आणि सुखा यांनाही अटक केली आहे. पोलिसांनी सांगितले की, 20 ऑगस्ट रोजी या नेमबाजांनी सेक्टर 9 बसई येथे तीन तरुणांवर भरदिवसा गोळ्या झाडल्या होत्या.

हे ही वाचा-लाच घेण्यात भारत पहिल्या क्रमांकावर; भ्रष्टाचाराचे आकडे पाहून बसेल धक्का

त्याचवेळी पोलीस चौकशी दरम्यान ताब्यात घेण्यात आलेल्या पवन नेहराने धक्कादायक खुलासा केला. त्याने सांगितले की त्याच्या निशाण्यावर गँगस्टर जोनी आणि त्याचे सोबती होते. अटक होण्यापूर्वी तो त्यांना ठार मारण्याचा विचार करीत होता. त्याने पोलिसांना सांगितले की, एक हजार चौरस यार्डच्या भूखंडावरून गँगस्टर जोनी आणि काळू यांच्यात रक्तरंजित संघर्ष सुरू होता. या संघर्षात आतापर्यंत दोन्ही बाजूंकडून सुमारे सहा जणांचा मृत्यू झाला आहे. या व्यतिरिक्त पवन नेहरा यांनी पोलिसांसमोर खुनाच्या अनेक घटना कबूल केल्या.

एएसपी प्रीतपाल सिंह यांनी सांगितलं की, 23 वर्षीय पवन नेहरा लॉरेन्स बिश्नोईशी संपर्कात होता. लॉरेन्स बिश्नोईच्या आदेशानुसार पंजाबमध्येही या हत्येची घटना घडली. शुक्रवारी उत्तराखंडमधील उधमसिंह नगर भागात त्याला गोंधळ घातल्या प्रकरणात अटक करण्यात आली.

Published by: Meenal Gangurde
First published: November 26, 2020, 9:20 PM IST

ताज्या बातम्या