Corona New Symptoms: कोरोनाची दोन नवीन लक्षणं आली समोर, डोळे आणि केसांवरून ओळखाल

नवी दिल्ली, 01 जानेवारी : जगभरात पुन्हा एकदा कोरोना विषाणूबाधित रुग्ण झपाट्याने वाढत आहेत. ब्रिटनमध्ये गेल्या एका आठवड्यात कोरोनाबाधितांची संख्या 2 लाख 30 हजारांच्या पुढे (Corona New Symptoms) गेली आहे. महाराष्ट्रातही रोजची होणारी रुग्णवाढ चिंता वाढवणारी आहे.

ब्रिटनमधील स्थिती बिकट

झी न्यूज आणि डेली स्टार वेबसाइटनुसार, ब्रिटनमधील परिस्थिती अशी आहे की, दररोज हजारो नवीन कोरोनाव्हायरसची प्रकरणे नोंदवली जात आहेत. तिथे कोरोनाच्या नवीन ओमिक्रॉन प्रकाराने जवळपास संपूर्ण ब्रिटनला वेठीस धरले आहे. ज्या लोकांना कोरोना संसर्ग झाला आहे. त्यापैकी अनेकांना कोणतीही लक्षणे दिसून आलेली नाहीत. काहींना ताप, खोकला, श्वास घेण्यात अडचण आणि वास किंवा चव घेण्याची क्षमता कमी झाल्याची नोंद झाली आहे.

कोरोनाची 2 नवीन लक्षणे

दरम्यान, डॉक्टरांनी कोरोनाच्या अशा काही लक्षणांबाबत इशारा दिला आहे, ज्याबद्दल लोकांना फारशी माहिती नाही. यामध्ये डोळे लाल होणे किंवा केस लवकर गळणे यांचा समावेश होतो.

कोरोना विषाणू एंजियोटेन्सिन-कन्व्हर्टिंग एन्झाइम 2 (ACE2) नावाच्या एन्झाइमद्वारे लोकांच्या पेशींमध्ये प्रवेश करतो. हा विषाणू डोळ्यांद्वारेही शरीरात शिरण्याची भीती आहे. डॉक्टरांच्या म्हणण्यानुसार जेव्हा कोरोना शरीरावर ACE2 एंझाइमद्वारे हल्ला करतो तेव्हा लोकांना वाटते की हा एक सामान्य व्हायरल हल्ला आहे.

हे वाचा - Healthy Life: व्यायाम करण्याचा येतोय खूप कंटाळा? मग या 5 गोष्टी करून दिवसभर रहाल फिट

व्हायरस डोळ्यांवर हल्ला करतो

अहवालानुसार, डोळ्यांमध्ये प्रवेश केल्यानंतर कोरोनाव्हायरस रेटिना आणि एपिथेलियल पेशींवर हल्ला करतो. या दोन्ही पेशी डोळे आणि पापण्यांचे काही भाग पांढरे करण्याचे काम करतात (कोरोना नवीन लक्षणे). डॉक्टरांचे असे म्हणणे आहे की, जेव्हा कोरोना विषाणू डोळ्यांवर हल्ला करतो, तेव्हा केवळ डोळे लाल होतात असे नाही तर त्यांना सूज, पाणी येणे, वेदना यांसारख्या समस्या देखील सुरू होतात. कोरोनाच्या या नवीन लक्षणावर सध्या संशोधन सुरू आहे. अमेरिकन अकॅडमी ऑफ डर्मेटोलॉजी असोसिएशनचे मत आहे की, हे लक्षण तापामुळे देखील असू शकते.

हे वाचा - Healthy Breakfast: नवीन वर्षासोबत ब्रेकफास्‍टमध्ये करा हे 5 हेल्दी बदल; नेहमी निरोगी आणि तंदुरुस्त रहाल

केसगळतीचा वेग वाढतो

केस गळण्याचे प्रमाण वाढणे हे कोरोनाचे दुसरे नवीन लक्षण असल्याचे डॉक्टरांचे म्हणणे आहे. सामान्यतः ताप किंवा आजारपणामुळे केस गळण्याची केसेस 2-3 महिने दिसतात. तथापि, तुम्ही तंदुरुस्त दिसत असाल आणि तरीही केस गळत असाल तर याचा अर्थ असा होऊ शकतो की तुम्हाला कोरोना विषाणूची लागण झाली आहे. अशा वेळी तातडीने कोरोना चाचणी करणे आवश्यक आहे. उपचारानंतर 6 ते 9 महिन्यांत केस गळणे थांबते.