IIT ची कमाल! आता पुन्हा पुन्हा वापरता येणार एकच मास्क

नवी दिल्ली, 06 मे : कोरोनाव्हायरसपासून (coronavirus) बचाव करण्यासाठी मास्क (Mask) वापरणं हा एक मार्ग आहे. मात्र एकच मास्क पुन्हा वापरता येत नाही. वारंवार तोच वापरणंही धोकादायक आहे. शक्यतो वापरलेला मास्क पुन्हा वापरू नये, असा सल्ला डॉक्टरांनी दिला आहे. तरीही काहीजण तसं करतात. मात्र आता आयआयटी दिल्लीनं असा मास्क तयार केला आहे जो पुन्हा वापरता येईल आणि त्यामुळे कोणताही धोका नाही. आयआयटी दिल्लीने NSafe हे अँटीमायक्रोबिअल मास्क तयार केलं आहे. जो धुवून 50 वेळा वापरता येऊ शकतो. अशा 2 मास्कची किंमत फक्त 299 रुपये आहे तर 4 मास्कची किंमत 598 रुपये आहे.

An #IITDelhi startup "Nanosafe Solutions" has launched an antimicrobial and washable face mask "NSafe", which is reusable up to 50 launderings, thus greatly cutting down the cost of use.#IndiaFightsCOVID19

Details- https://t.co/fKRnoiZ63Q pic.twitter.com/GKggCTf28E — IIT Delhi (@iitdelhi) May 6, 2020

हा मास्क 99 टक्के सुरक्षित आहे. शिवाय तो तोंडावर लावल्यानंतर श्वास घेण्यासही कोणताच त्रास होत नाही. हे वाचा - अरेच्चा! फक्त कोळी दिसला आणि संपूर्ण कुटुंब घरच सोडून गेलं हा मास्क तयार करणाऱ्या शास्त्रज्ञ डॉ. मंगला जोशी यांनी सांगितलं, "हा सुतीपासून तयार करण्यात आलेला भारतातील पहिला मायक्रोबेरिअल मास्क आहे, ज्याचा वापर पुन्हा पुन्हा करता येऊ शकतो. हा मास्क तुम्ही डिटर्जंटने धुवून आणि उन्हात सुकवून पुन्हा वापरू शकता. याचं उत्पादन सुरू करण्यात आलं आहे" संकलन, संपादन - प्रिया लाड हे वाचा - रुग्णसेवा हेच आमचं कर्तव्य! कोरोना रुग्णांसाठी शीख डॉक्टर स्वत:ची दाढी करणार