Omicron सब-व्हेरिएंटमुळे देशाला पुन्हा कोरोनाचा धोका? इन्साकॉगने दिलं उत्तर, म्हणाले..

नवी दिल्ली, 10 जुलै : देशासह जगभरात तीन वर्षांनंतरही कोरोनाची (Corona update) भीती कायम आहे. गेल्या काही दिवसांपासून पुन्हा एकदा कोरोना संसर्गाची प्रकरणे वाढू लागली आहेत. यात महाराष्ट्राचाही समावेश आहे. अशा स्थितीत काही तज्ज्ञांनी चिंता व्यक्त केली आहे की ओमिक्रॉनचा सब-व्हेरियंट BA. 2 आणि BA. 2.38 मुळे देशात कोरोनाचे रुग्ण वाढत आहेत. त्यामुळे आजाराची तीव्रता आणि रूग्ण रूग्णालयात पोहोचण्याची शक्यताही वाढत आहे. यावर आता अधिकृत माहिती समोर आली आहे. भारत सरकारने कोरोना विषाणूच्या स्ट्रेन आणि जीनोमिक अनुक्रमांवर संशोधन करण्यासाठी स्थापन केलेले इन्साकॉग - Indian SARS-CoV-2 Consortium on Genomics or Indian SARS-CoV-2 ने एक बुलेटिन जारी केले आहे. यात ओमिक्रॉनचे सब-व्हेरियंट बी.ए. 2 मधून जन्मलेले B.A 2.38 मुळे कोरोना रुग्णांना रुग्णालयात भरती करण्याचा दर आणि रोगाची तीव्रता वाढली नसल्याचे म्हटले आहे. रोगाची तीव्रता वाढल्याचे कोणतेही वृत्त नाही इन्साकॉगने एक बुलेटिन जारी करुन म्हटले आहे की अलीकडेच कोरोना संसर्गामुळे जीव गमावलेल्या लोकांच्या मृत्यूचे कारण बी.ए. 2.38 नाही तर इतर कोणत्या तरी आजाराने ग्रस्त असल्याने त्यांचा आधीच मृत्यू झाला आहे. एका बुलेटिनमध्ये, इंडियन SARS-CoV-2 जीनोमिक्स असोसिएशन (INSACOG) ने म्हटले आहे की BA.2 ची अनेक प्रकरणे BA. 2.38 म्हणून वर्गीकृत केली गेली आहेत. हे नुकत्याच क्रमाने केलेल्या नमुन्यांमध्ये उपस्थित असल्याचे दिसते. यात म्हटले आहे की, आतापर्यंत रुग्णालयात दाखल होण्याचे प्रमाण किंवा रोगाची तीव्रता वाढल्याचे कोणतेही वृत्त नाही.

मासिक पाळी वेळेवर येत नाही? दुर्लक्ष करू नका, गर्भधारणेदरम्यान येऊ शकतात अडथळे

बी.ए. 2 भारतातील सर्वात प्रमुख सब-व्हेरियंट त्याच वेळी, नुकत्याच नोंदलेल्या मृत्यूच्या घटनांपैकी काही रुग्ण आधीच इतर कोणत्यातरी आजाराने ग्रस्त असल्याने समोर आले. कोविड-19 पासून संरक्षण करण्यासाठी आवश्यक ती खबरदारी घेतल्यास संसर्ग कमी होण्याची शक्यता आहे. INSACOG ने रविवार, 13 जून रोजी जारी केलेल्या बुलेटिनमध्ये असे म्हटले आहे की BA.2 हा भारतातील सर्वात प्रमुख सब-व्हेरियंट राहिला आहे. वास्तविक, आजाराच्या तीव्रतेमुळे रुग्णालयात दाखल होण्याचे प्रमाण तितकेसे वाढले नाही, असे त्यात म्हटले आहे. इन्साकॉग सध्याच्या परिस्थितीवर बारकाईने लक्ष ठेवून आहे.