UPSC Mains: धडधड वाढली; लवकरच जाहीर होणार परीक्षेचा निकाल; असा चेक करा Cut Off

मुंबई, 28 नोव्हेंबर: UPSC Mains परीक्षेच्या निकालाची वाट बघणाऱ्या उमेदवांसाठी मोठी बातमी आहे. UPSC नागरी सेवा परीक्षा 2022 मुख्य चा निकाल लवकरच येणार आहे. युनियन लोकसेवा आयोग आतापासून कधीही UPSC CSE Mains 2022 चा निकाल जाहीर करू शकतो. आयोगाच्या upsc.gov.in या वेबसाइटवर निकाल जाहीर केला जाईल. त्यामुळे निकालाआधी कट ऑफ कसा चेक करणार याबद्दल आज आम्ही तुम्हाला माहिती देणार आहोत.

ही परीक्षा 16 सप्टेंबर ते 25 सप्टेंबर 2022 या कालावधीत घेण्यात आली. संघ लोकसेवा आयोगाच्या या परीक्षेत बसलेले उमेदवार थेट लिंकवरून त्यांचा UPSC मुख्य निकाल 2022 तपासू शकतील. UPSC ने 16, 17, 18, 24 आणि 25 सप्टेंबर रोजी नागरी सेवा मुख्य परीक्षा दोन शिफ्टमध्ये (पहिला दिवस वगळता) आयोजित केली होती. पहिली शिफ्ट सकाळी 9 ते दुपारी 12 आणि दुसरी शिफ्ट दुपारी 2 ते 5 या वेळेत घेण्यात आली.

मोठी बातमी! आता NEET द्वारे नाही मिळणार 'या' कोर्सला प्रवेश; ऐन प्रक्रिया सुरु असताना बदलला नियम

आयोग पीडीएफ स्वरूपात निकाल जाहीर करेल. तुम्ही परीक्षा उत्तीर्ण झाला आहात की नाही हे जाणून घेण्यासाठी तुम्हाला कोणत्याही लॉगिनची आवश्यकता नाही. UPSC निकाल तपासण्यासाठी चरणवार मार्ग जाणून घ्या-

असा चेक करा तुमचा UPSC चा निकाल

UPSC वेबसाइट upsc.gov.in वर जा.

निकाल जाहीर झाल्यानंतर, तुम्हाला मुख्यपृष्ठाच्या शीर्षस्थानी UPSC CSE मुख्य निकाल 2022 लिंक मिळेल. त्यावर क्लिक करा.

क्लिक केल्यावर, तुमच्या संगणक/मोबाईल स्क्रीनवर एक PDF फाइल उघडेल. आता पेजच्या सर्च ऑप्शनवर जा, तुमचा रोल नंबर भरा आणि एंटर करा.

जर तुमचा रोल नंबर त्या यादीत असेल तर तो हायलाइट केला जाईल. म्हणजे तुम्ही परीक्षा उत्तीर्ण झाला आहात.

या PDF मध्ये तुम्हाला UPSC मुख्य परीक्षेचा कट ऑफ देखील मिळेल. आयोगाकडून गुण नंतर अपलोड केले जातील. यासाठी तुम्हाला तुमचा अर्ज क्रमांक आणि पासवर्ड वापरून लॉग इन करावे लागेल.

MPSC Recruitment: थेट अधिकारी होण्याची संधी सोडू नका; तब्बल 623 जागांसाठी अवघे दोन दिवस शिल्लक

जर तुम्ही मुख्य परीक्षा उत्तीर्ण केली असेल, तर तुम्हाला UPSC DAF 2 म्हणजेच तपशीलवार अर्ज भरावा लागेल. त्याशिवाय तुम्ही UPSC मुलाखतीला उपस्थित राहू शकणार नाही. हा फॉर्म निकाल जाहीर झाल्यानंतर आयोगाच्या वेबसाइटवर जारी केला जाईल. ते तुम्हाला विहित मुदतीत भरावे लागेल, असे आयोगाने म्हटले आहे. अन्यथा तुमचा उमेदवारी अर्ज रद्द केला जाईल.