Mass Communication अभ्यासक्रमासाठी ही आहेत टॉप 10 महाविद्यालयं; कोर्सनंतर जॉबच्या संधी

नवी दिल्ली, 24 जून : सध्या मास कम्युनिकेशन (Mass Communication) अभ्यासक्रमाकडे (Mass Communication Course) विद्यार्थ्यांचा कल वाढताना दिसत आहे. खरंतर मास कम्युनिकेशन हे आव्हानात्मक क्षेत्र समजलं जातं. या क्षेत्रात काम करण्यासाठी सातत्यानं अलर्ट राहणं, सामान्य ज्ञान किंवा जनरल नॉलेज (General Knowledge) उत्तम असणं, कायदा, प्रशासनाविषयी किमान प्राथमिक माहिती असणं, तंत्रज्ञानाचा कौशल्यपूर्ण वापर करता येणं आवश्यक असतं. सध्याचं युग हे जसं माहिती तंत्रज्ञानाचं आहे तसंच ते स्पेशलायझेशनचे (Specialization) आहे. त्यामुळे एखादया विषयाचा सखोल अभ्यास करण्याची तयारी किंवा त्या विषयात पारंगत असणं ही बाब तुमचे या क्षेत्रातील करिअर अधिक भक्कम करते. त्यासोबत लेखन आणि विवेचनशैली उत्तम असणं किंवा ती सातत्याने शिकण्याची तयारी असणं हे देखील या क्षेत्रात येऊ इच्छिणाऱ्यांसाठी महत्वाचं असतं. मास कम्युनिकेशन किंवा जर्नालिझम (Journalism) क्षेत्रात कामाची वेळ निश्चित नसते. अनेकदा वेळेपेक्षा जास्त काळ काम करावं लागतं, त्यादृष्टीने मानसिक तयारी असणं हे देखील या क्षेत्रात करिअर करु इच्छिणाऱ्यांसाठी महत्वाचं ठरतं.

इयत्ता 12 वी नंतर मास कॉमचा अभ्यासक्रम पूर्ण करुन अनेक जण माध्यम क्षेत्रात करिअर करु इच्छितात. खरं तर हा अभ्यासक्रम ऑफर करणाऱ्या महाविद्यालये, इन्स्टिट्यटसची संख्या देशात कमी नाही. मात्र आज आम्ही तुम्हाला मास कॉम अभ्यासक्रमासाठी टॉप 10 कॉलेजेसची माहिती देत आहोत. जर या क्षेत्रात करिअर करण्यासाठी तुम्ही गांभिर्याने विचार करत असाल तर या कॉलेजेसची माहिती नक्की जाणून घ्या.

हे वाचा - Photography मध्ये करिअर करण्याचा विचार करताय? इथे मिळेल संपूर्ण माहिती

हे आहेत टॉप 10 इन्स्टिट्यूट्स

1) इंडियन इन्स्टिट्यूट ऑफ मास कम्युनिकेशन, नवी दिल्ली (Indian Institute of Journalism and New Media, New Delhi)

2) जामिया मिलिया इस्लामिया, नवी दिल्ली (Jamia Millia Institute of Mass Communication Research Center, New Delhi.)

3) माखनलाल चतुर्वेदी युनिव्हर्सिटी, भोपाळ (Makhanlal Chaturvedi University, Bhopal)

4) सिंबायोसिस इन्स्टिटयूट ऑफ कम्युनिकेशन, पुणे (Symbiosis Institute of Communication, Pune)

5) मणिपाल युनिव्हर्सिटी स्कूल ऑफ कम्युनिकेशन, मणिपाल (Manipal University School of Communication, Manipal)

6) बनारस हिंदू युनिव्हर्सिटी, बनारस (Banaras Hindu University, Banaras)

7) अलिगड मुस्लिम युनिव्हर्सिटी, अलिगड (Aligarh Muslim University, Aligarh)

8) कुरुक्षेत्र युनिव्हर्सिटी (Kurukshetra University)

9) इलाहाबाद युनिव्हर्सिटी (Allahabad University)

10) दिल्ली युनिव्हर्सिटी (Delhi University)

ही शैक्षणिक पात्रता आवश्यक

मास कम्युनिकेशन अभ्यासक्रमाच्या प्रवेशासाठी कोणत्याही शाखेतून इयत्ता 12 वी उत्तीर्ण असणे आवश्यक आहे. त्यानंतरच तुम्ही जर्नालिझम किंवा मास कम्युनिकेशनचा अभ्यासक्रम पूर्ण करु शकता.

अभ्यासक्रमानंतर या आहेत रोजगार संधी

जर्नालिझम किंवा मास कम्युनिकेशन अभ्यासक्रम पूर्ण केल्यानंतर विद्यार्थी टिव्ही न्यूज चॅनेल (News Channels), वृत्तपत्रे (News Papers), ऑनलाइन मिडिया, पब्लिक रिलेशन एजन्सीज (PRO Agencies) किंवा जाहिरात एजन्सीजमध्ये जॉब करु शकता. या व्यतरिक्त कॉर्पोरेट क्षेत्रातील दिग्गज कंपन्यांमध्ये क्लाएंट रिलेशनशीप मॅनेजर म्हणून काम करु शकता.