Agnipath Scheme: "उद्याची तयारी करायची असेल तर बदलावं लागेल"; NSA अजित डोभाल यांचं मोठं विधान

मुंबई, 21 जून: केंद्र सरकारच्या अग्निपथ योजनेबाबत (Agnipath scheme) मोठा गदारोळ झाला आहे. विद्यार्थ्यांच्या विरोधानंतर सरकारने भारतीय सैन्यदलाचे भवितव्य डोळ्यासमोर ठेवून या योजनेत अनेक मोठे बदल (What is Agnipath scheme?) केले आहेत. दरम्यान, रविवारी तिन्ही लष्करांनी संयुक्त पत्रकार परिषद घेतली आणि त्यात अग्निपथ योजनेची सविस्तर माहिती (detail information about Agnipath scheme) देण्यात आली. मात्र तरीही या योजनेला देशभरात विरोध होताना दिसून येतो आहे. मात्र आता या योजनेचं समर्थन करत नॅशनल सेक्युरिटी ऍडव्हायझर NSA अजित डोभाल यांनी एक मोठं विधान केलं आहे.

एएनए या वृत्तसंस्थेला दिलेल्या मुलाखतीत त्यांनी अग्निपथ योजनेवर अनेक गोष्टी सांगितल्या आहेत. ते म्हणाले की, भारतात आजूबाजूचे वातावरण बदलत आहे. काल आपण जे करत होतो, तेच भविष्यातही करत राहिलो तर आपण सुरक्षित राहूच असे नाही. उद्याची तयारी करायची असेल तर बदलावे लागेल. त्यामुळे ही योजना येणं आवश्यक आहे.

Agnipath Scheme: प्रचंड गदारोळातही अखेर अग्निपथ योजनेचं नोटीफिकेशन जारी; या तारखेपासून सुरू होईल नोंदणी

गेल्या 8 वर्षांत अनेक संरचनात्मक सुधारणा झाल्या आहेत. सीडीएसचा प्रश्न २५ वर्षांपासून प्रलंबित होता. राजकीय इच्छाशक्तीअभावी त्याची अंमलबजावणी होऊ शकली नाही. आज आपल्या संरक्षण संस्थेची स्वतःची स्वतंत्र एजन्सी आहे. रेजिमेंटच्या तत्त्वाशी कोणतीही छेडछाड होणार नाही, त्या रेजिमेंट आहेत त्या कायम राहतील. अग्निवीर हे संपूर्ण सैन्य कधीच एकटे राहणार नाही, अग्निवीर हे फक्त पहिल्या 4 वर्षात भरती झालेले सैनिक असतील. उरलेल्या सैन्यात बहुतांश अनुभवी लोक असतील. जे अग्निवीर नियमित (4 वर्षानंतर) असतील त्यांना जवळचे प्रशिक्षण दिले जाईल. बदलत्या काळानुसार लष्करात बदल करणे गरजेचे असल्याचे अजित डोवाल यांनी मुलाखतीत सांगितले. याकडे एका दृष्टिकोनातून पाहण्याची गरज आहे. अग्निपथ ही एक स्वतंत्र योजना नाही असंही अजित डोभाल यांनी म्हंटलं आहे .

अग्निपथ आंदोलनात कोणाचा हात?

याशिवाय अग्निपथ योजनेच्या निषेधावर राष्ट्रीय सुरक्षा सल्लागार अजित डोवाल म्हणाले की, एफआयआर नोंदवला गेला, आरोपीची ओळख पटली, योग्य तपासानंतर आपण सांगू शकतो की यामागे कोणाची शक्ती होती. याची सखोल चौकशी झाली पाहिजे. याशिवाय ते म्हणाले की, संपूर्ण युद्ध मोठ्या बदलातून जात आहे. आम्ही संपर्करहित युद्धांकडे आणि अदृश्य शत्रूविरुद्धच्या युद्धांकडेही जात आहोत. तंत्रज्ञान झपाट्याने प्रगती करत आहे. उद्याची तयारी करायची असेल तर बदलावं लागेल.

"ही तर फक्त सुरुवात, येत्या काही वर्षांमध्ये सव्वा लाख अग्निवीरांची होणार भरती"; तीनही दलांच्या प्रमुखांची माहिती

अधिसूचना जारी

केंद्र सरकारच्या 'अग्निपथ' योजनेंतर्गत लष्करात अग्निवीरांच्या भरतीसाठी सोमवारी अधिसूचना जारी करण्यात आली. भारतीय लष्कराने दिलेल्या माहितीनुसार, भरतीसाठी होणाऱ्या भरतीची नोंदणी जुलैपासून सुरू होणार आहे. इच्छुक अर्जदार JOININDIANARMY.NIC.IN वर जाऊन नोंदणी करू शकतात. अग्निपथ योजेनच्या अधिसूचनेनुसार 8वी आणि 10वी उत्तीर्ण युवक यामध्ये अर्ज करू शकतात. योजनेअंतर्गत अग्निवीरांची चार वर्षांसाठी भरती केली जाईल. त्यांना पेन्शन किंवा पदवी मिळणार नाही.