• Home
  • »
  • News
  • »
  • career
  • »
  • NEET पास करणाऱ्या विद्यार्थ्यांपेक्षा 12 वीच्या गुणांवर आलेले विद्यार्थी MBBS मध्ये करतात उत्तम कामगिरी; तज्ज्ञांचं मत

NEET पास करणाऱ्या विद्यार्थ्यांपेक्षा 12 वीच्या गुणांवर आलेले विद्यार्थी MBBS मध्ये करतात उत्तम कामगिरी; तज्ज्ञांचं मत

NEET क्लीयर केलेल्या विद्यार्थ्यांची कामगिरी १२ वीच्या गुणांच्या आधारे कोर्समध्ये प्रवेश घेतलेल्या विद्यार्थ्यांपेक्षा खराब आहे.

  • Share this:
    चेन्नई, 27 जुलै: बारावीनंतर डॉक्टर व्हायचं असेल तर NEET ही परीक्षा देणं गरजेचं असतं. मात्र MBBS मध्ये NEET परीक्षा देऊन प्रवेश घेतलेले (MBBS after NEET) विद्यार्थी चांगली कामगिरी करतात की बारावीच्या मार्क्सवर प्रवेश घेतलेले (12th students) विद्यार्थी चांगली कामगिरी करतात याबद्दल जाणून घेण्यासाठी तामिळनाडू सरकारनं (Tamil Nadu Government) एक समिती स्थापन केली होती. त्यानुसार या समितीनं एक निष्कर्ष मांडला आहे. NEET च्या सामाजिक-आर्थिक परिणामाचा अभ्यास करण्यासाठी तमिळनाडू सरकारनं गठित केलेल्या न्यायमूर्ती एके राजन समितीचे सदस्य डॉ. जवाहर नेसन यांनी खुलासा केला की समितीनं NEET  आणि पूर्व-एनईईटी (pre-NEET) आणि NEET नंतरच्या अभ्यासक्रमाच्या विद्यार्थ्यांच्या कामगिरीचं विश्लेषण केलं  आहे. त्यानुसार NEET क्लीयर केलेल्या विद्यार्थ्यांची कामगिरी १२ वीच्या गुणांच्या आधारे कोर्समध्ये प्रवेश घेतलेल्या विद्यार्थ्यांपेक्षा खराब आहे. कोर्सच्या पहिल्या वर्षात ज्यांनी बारावीच्या गुणांच्या आधारे प्रवेश घेतले आहेत आणि जे NEET क्लिअर करून आले आहेत अशा विद्यार्थ्यांमध्ये काही फरक नाही. मात्र दुसर्‍या वर्षापासून NEET च्या गुणांच्या आधारे प्रवेश घेतलेले विद्यार्थी बारावीमधून आलेल्या विद्यार्थ्यांपेक्षाखराब कामगिरी करतात, असं डॉ नेसन यांनी म्हंटलंय. यामागील कारण काय “शाळा आपल्याला गंभीर विचार, तर्कशुद्ध तर्क विकसित करण्याची संधी देते. परंतु कोचिंग सेंटर निश्चितपणे ती संधी देत ​​नाहीत. म्हणूनच, दुसर्‍या वर्षापासून जेव्हा विद्यार्थ्यास आपले मन लावावे लागेल आणि गंभीर विचारसरणीचा उपयोग करावा लागला असेल, तेव्हा NEET चे विद्यार्थी कमी पडतात. " असं डॉक्टर नेसन सांगतात. हे वाचा -  CBSE Result 2021: विद्यार्थ्यांना 95% पेक्षा जास्त गुण देऊ शकणार नाहीत शाळा खासगी कोचिंगचं मायाजाळ तामिळनाडूतील खासगी कोचिंग सेंटरची वार्षिक उलाढाल किमान 6000 कोटी रुपये आहे. समितीने गोळा केलेल्या आकडेवारीनुसार कोचिंग कोचर्स 'व्यवसाय' म्हणून संबोधत असल्याचं ते म्हणतात. “आम्ही जे मोजले आहे तो फक्त किमान अंदाज आहे. वास्तविक NEET कोचिंगसाठी विद्यार्थ्याला वर्षाकाठी साधारणत: 1.2 लाख ते 5 लाख रुपये खर्च करावा लागतो. एक महिन्यापासून कित्येक वर्षांच्या कोचिंगसाठी क्रॅश कोर्स आहेत. मात्र यामध्ये विद्यार्थ्यांकडून अतोनात पैसे घेतले जातात. जे NEETच्या आधारे प्रवेश घेतात ते प्रामुख्यानं शहरी, संपन्न, सुशिक्षित कुटुंबातील आहेत. आम्हाला आढळलं आहे की 70% विद्यार्थी जेव्हा त्यांचा PG कोर्स संपवतात तेव्हा त्यांनी खासगी कॉर्पोरेट हॉस्पिटलमध्ये काम करणं निवडलं. पण NEET सुरू होण्यापूर्वी 70% विद्यार्थ्यांनी सरकारी रुग्णालयात काम करणं निवडलं. म्हणूनच मी म्हणेन की NEET विनाशकारी आहे, यामुळे सार्वजनिक आरोग्य यंत्रणा चिरडली आहे ". असंही डॉ नेसन म्हणतात. न्यायमूर्ती ए.के. राजन समितीत राज्य आरोग्य सचिव, वैद्यकीय शिक्षण संचालक यांच्यासह नऊ जणांचा समावेश आहे. NEET च्या प्रभावाबद्दल समितीकडून लोकांकडून सुमारे 90000 फीडबॅक प्राप्त झाले. समितीनं तमिळनाडूच्या मुख्यमंत्र्यांना 165 पानांचा अहवाल सादर करण्यासाठी महिनाभर काम केलं. हा अहवाल अद्याप सार्वजनिक करणं बाकी आहे.
    Published by:Atharva Mahankal
    First published: