विद्यार्थ्यांसाठी महत्त्वाची बातमी! मुंबई विद्यापीठाच्या परीक्षा पुढे ढकलल्या; आता 'या' तारखेला होणार पेपर्स

मुंबई, 24 जानेवारी: मुंबई विद्यापीठात शिकणाऱ्या सर्व विद्यार्थ्यांसाठी मोठी बातमी आली आहे. दिनांक 30 जानेवारीला होणाऱ्या तब्बल 30 परीक्षा पुढे ढकलण्यात आल्या आहेत. या संदर्भातील अपडेट विद्यापीठाकडून देण्यात आली आहे. राज्यात लवकरच महाराष्ट्र विधान परिषद पदवीधर आणि शिक्षक मतदार संघाच्या निवडणुकांचं मतदान होणार आहे. याच पार्श्वभूमीवर काही पेक्षा पुढे ढकलण्यात आल्या आहेत. मात्र या परीक्षा आता कधी होणार याबाबतही माहिती देण्यात आली आहे.

मुंबई विद्यापीठाकडून विविध अभ्यासक्रमाच्या एकूण 30 परीक्षा या 30 जानेवारी 2023 रोजी घेण्यात येणार होत्या. मात्र आता या परीक्षा पुढे ढकलून 07 फेब्रुवारी 2023 रोजी घेण्यात येणार आहेत. या एकूण 30 परीक्षांमध्ये पुढील विषयांचे पेपर्स होणं होते.

JEE Mains 2023: कोणत्याही अडचणींशिवाय सेंटरवर प्रवेश हवाय ना? मग या गाईडलाईन्स एकदा वाचाच

Law, अभियांत्रिकी विज्ञान शाखेचे (M.Sc) चौथे सत्र, Commerce आणि अन्य संबंधित अभ्यासक्रमांचा समावेश होता. तर पदवीधर आणि शिक्षक मतदारसंघासाठीच्या निवडणुकीमुळे मानवता विषयाच्या पदव्युत्तर पदवी सत्र तिसरे आणि चौथे, विधि अभ्यासक्रमाचे सत्र तिसरे, अभियांत्रिकी (Engineering : SE Sem III) अभ्यासक्रमाचे सत्र तिसरे, विज्ञान शाखेच्या एमएससी सत्र चौथे, एम एससी भाग दोन, वाणिज्य शाखेच्या, एमकॉम भाग दोन या परीक्षा 30 जानेवारी रोजी घेण्यात येणार होत्या. मात्र या सर्व परीक्षा आता 07 फेब्रुवारी 2023 रोजी घेण्यात येणार आहेत.

Maharashtra Talathi Bharti 2023: अखेर प्रतीक्षा संपणार; रजिस्ट्रेशन्सला लवकरच होणार सुरुवात; ही कागदपत्रं रेडी आहेत ना?

कोणत्या विषयाच्या कुठल्या परीक्षा ढकलल्या पुढे

एकूणच काय तर विद्यार्थ्यांनी या बदलण्यात आलेल्या तारखांची नोंद घ्यावी असं विद्यापीठाकडून सांगण्यात आलं आहे. त्यामुले तुमचीही परीक्षा यामध्ये असेल तर तुम्हाला अभ्यास करण्यासाठी अजून थोडा वेळ मिळणार आहे.