MU Admissions: CBSE, CISCE च्या निकालाआधीच मुंबई विद्यापीठात पदवी प्रवेश प्रक्रियेला सुरुवात

मुंबई, 22 जून: महाराष्ट्र स्टेट बोर्डाचे दहावी आणि बारावीचे निकाल नुकतेच जाहीर झाले आहेत. त्यामुळे निरनिराळ्या विद्यापीठांमध्ये प्रवेश प्रक्रियांना सुरुवात झाली आहे. मुंबई विद्यापीठाने (Mumbai University) सेंट्रल बोर्ड फॉर सेकंडरी एज्युकेशन (CBSE) आणि कौन्सिल फॉर द इंडियन स्कूल सर्टिफिकेट एक्झामिनेशन्स (CISCE) च्या १२वीच्या निकालाची वाट न पाहता पदवीपूर्व प्रवेश सुरू करण्याचा निर्णय घेतला आहे. सोमवारी मुंबई विद्यापीठाने (Mumbai University Admissions) एक परिपत्रक जारी करून सर्व महाविद्यालयांना प्रवेश प्रक्रियेचे (Mumbai University Admission Process) पालन करण्यास सांगितले आहे. फॉर्म भरण्याची प्रक्रिया 25 जून रोजी संपेल आणि पहिली गुणवत्ता यादी 29 जून रोजी जाहीर केली जाणार आहेत. महाराष्ट्र राज्य माध्यमिक आणि उच्च माध्यमिक शिक्षण मंडळाने गेल्या आठवड्यात इयत्ता 12वीचा (एचएससी) निकाल जाहीर केल्यानंतर हा निर्णय घेण्यात आला. विद्यापीठाने जारी केलेल्या परिपत्रकात म्हटले आहे की, “सर्व महाविद्यालयांनी प्रवेश प्रक्रियेचे काटेकोरपणे पालन करावे. स्वायत्त संस्थांसह सर्व महाविद्यालयांना केवळ मंजूर प्रवेशानुसारच विद्यार्थ्यांना प्रवेश द्यावा लागेल. ग्रॅज्युएशनंतर 10-15 हजारांच्या जॉबने काय होतंय? हे कोर्सेस देतील लाखोंची सॅलरी महाविद्यालयीन अधिकारीही चिंतेत आहेत आणि त्यांना वाटते की सीबीएसई आणि आयएससीचे निकाल जाहीर झाले की, यामुळे संस्थांमध्ये अराजकता निर्माण होईल. महाविद्यालयांना या बोर्डाच्या विद्यार्थ्यांसाठी पदांची संख्या वाढवण्याची परवानगी आहे, परंतु तशी प्रक्रिया विद्यापीठाने जाहीर केलेली नाही.] 5 आकडी पगार हवाय? मग, सायन्सच्या विद्यार्थ्यांनी 'हा' कोर्स केलाच पाहिजे अकरावीची प्रवेश प्रक्रिया ही राज्यातील काही प्रमुख शहरांमध्ये होणार आहे. या प्रक्रियेसाठी नोंदणी केल्यानंतर विद्यार्थ्यांना जिथे त्यांना प्रवेश घ्यायचा आहे अशा महाविद्यालयांची प्राधान्य यादी द्यावी लागेल. या प्राधान्य फॉर्ममध्ये किमान एक आणि जास्तीत जास्त 10 महाविद्यालयांची नावे भरता येतील. विद्यार्थ्यांना त्या महाविद्यालयांमध्ये गुणवत्तेनुसार प्रवेश दिला जाणार आहे.