गरोदरपणाच्या 9व्या महिन्यात दिली UPSC परीक्षा, 'त्या' एका संधीने संपूर्ण आयुष्यच बदलून टाकले

नवी दिल्ली, 5 जानेवारी : लग्नानंतर अनेक जबाबदाऱ्या येतात. अनेक महिला नोकरी सोडतात. मात्र, काही जण आपले स्वप्न पूर्ण करतात. आज अशाच एका मेहनती महिला अधिकाऱ्याबाबत आपण जाणून घेणार आहोत. हरियाणातील रहिवासी पूनम दलाल दहिया यांची यशोगाथा केवळ महिलांसाठीच नाही तर प्रत्येकासाठी प्रेरणादायी आहे. ध्येय गाठण्यासाठी त्यांनी किती मेहनत घेतली आहे, हे त्यांच्या करिअरच्या आलेखावरून समजू शकते. आज जाणून घेऊयात, आयपीएस अधिकारी पूनम दलाल दहिया यांच्या प्रेरणादायी प्रवासाबाबत.

पूनम दलाल दहिया यांचे कुटुंब हरियाणातील झज्जरचे रहिवासी आहे. त्यांचा जन्म दिल्लीत झाला असला तरी त्यांचे शिक्षणही तेथूनच झाले. 2002 मध्ये 12वी बोर्डाची परीक्षा उत्तीर्ण झाल्यानंतर त्यांनी 2 वर्षांचा JBT कोर्स (ज्युनियर बेसिक ट्रेनिंग) केला. त्यानंतर त्यांनी रोहिणीच्या एमसीडी शाळेत 2 वर्षे शिक्षिका म्हणून काम केले. नोकरीसोबतच त्यांनी दिल्ली विद्यापीठातून ग्रॅज्युएशनही केले.

पूनम दलाल दहिया यांनी सरकारी नोकरीसाठी अनेक स्पर्धा परीक्षा दिल्या आहेत. त्यांनी अनेक बँक पीओ परीक्षाही दिल्या. त्यांनी स्टेट बँक ऑफ इंडियामध्ये प्रोबेशनरी ऑफिसर (बँक पीओ परीक्षा) म्हणून तीन वर्षे काम केले. 2006 मध्ये, एसएससी परीक्षेत 7 वा क्रमांक मिळवल्यानंतर, त्यांना प्राप्तिकर विभागात नोकरी मिळाली. यानंतर यूपीएससी परीक्षेसाठी त्याचा आत्मविश्वास वाढला.

2007 मध्ये, पूनम दलाल दहिया यांचे लग्न नवी दिल्लीच्या कस्टम एक्साइज विभागात सेवेत असणारे असीम दहिया यांच्याशी झाले. त्यांचे पती असीम दहिया यांनी पूनम दहिया यांना पुढे जाण्यासाठी खूप साथ दिली. 2009 मध्ये, UPSC परीक्षेच्या पहिल्याच प्रयत्नात यश मिळवल्यानंतर त्याला रेल्वे विभाग (RPF) मिळाला. मात्र, त्यांनी सहभागी न होऊन तयारी सुरू ठेवली. 2010 साली त्यांना पुन्हा दुसऱ्या प्रयत्नात रेल्वे खाते मिळाले. यावेळी आयआरपीएस रँक मिळाली होती.

दरम्यान, 2011 मध्ये पूनम दलाल दहिया यांनी हरियाणा PSC परीक्षा उत्तीर्ण केली आणि त्या हरियाणा पोली दलात उपअधीक्षक म्हणून रुजू झाल्या. यासोबतच त्यांनी यूपीएससी परीक्षेची तयारीही सुरू ठेवली. 2011 च्या प्रयत्नात त्या UPSC प्रिलिम्स परीक्षा देखील उत्तीर्ण होऊ शकली नाही. तेव्हा त्यांचे वय 30 होते. यानुसार त्यांचा हा शेवटचा प्रयत्न होता.

हेही वाचा - IAS च्या तयारीसाठी मुलापासून दूर राहिल्या अनु कुमारी, नोकरीच्या 9 वर्षांनी दिली UPSC परीक्षा

मात्र, असे म्हटलं जातं की, प्रयत्न करणारे कधीच हरत नाहीत. ही गोष्ट पूनम दलाल दहिया यांच्या बाबतीत अगदी लागू होते. 2015 मध्ये, केंद्र सरकारने 2011 च्या UPSC परीक्षेच्या प्रयत्नात बसलेल्या सर्व उमेदवारांना आणखी एक संधी दिली होती. 2011 मध्ये यूपीएससी परीक्षेचा पॅटर्न बदलल्यामुळे उमेदवारांना मोठ्या त्रासाला सामोरे जावे लागले होते. यानंतर अनेक उमेदवारांनी याचिका दाखल केल्या होत्या.

पण 2015 मध्ये वयाच्या 33 व्या वर्षी पूनम दलाल दहिया यांनी UPSC परीक्षा उत्तीर्ण केली. यामध्ये त्यांना प्रिलिम परीक्षेत 275 गुण मिळाले. तेव्हा त्या पूर्णवेळ म्हणजे 9 महिन्यांच्या गरोदर होत्या. यूपीएससी मुख्य परीक्षेच्या वेळी त्यांचे मूल अडीच ते तीन महिन्यांचे होते. यामध्ये त्यांनी 897 गुणांसह 308 वा क्रमांक मिळवला (UPSC मुख्य निकाल). सध्या त्या हरियाणा पोलिसात एएसपी म्हणून कार्यरत आहेत.

पूनम दलाल दहिया यांनी 2 पुस्तके लिहिली आहेत. पहिल्या पुस्तकाचे शीर्षक हे 'प्राचीन आणि मध्ययुगीन भारत' आणि दुसरे 'आधुनिक भारत' (पूनम दलाल दहिया बुक्स) आहे. हरियाणाचे मुख्यमंत्री मनोहरलाल खट्टर यांच्या हस्ते मॉडर्न इंडिया पुस्तकाचे प्रकाशन करण्यात आले होते.