IAF Agniveer Recruitment 2023: वायुसेनेत अग्निवीरांसाठी अर्ज प्रक्रिया झाली सुरु; तुम्ही आहात का पात्र? करा चेक

मुंबई, 17 मार्च: भारतीय हवाई दलात (IAF) अग्निवीर बनण्याचं स्वप्नं असलेल्या तरुणांसाठी चांगली संधी आहे. यासाठी भारतीय वायुसेनेने आजपासून म्हणजेच 17 मार्चपासून अग्निवीरसाठी अर्ज करण्याची प्रक्रिया सुरू केली आहे. ज्या उमेदवारांना IAF अग्निवीर भारती 2023 साठी अर्ज करायचा आहे ते IAF अग्निवीरच्या अधिकृत वेबसाइट agneepathvayu.cdac.in वर जाऊन ऑनलाइन अर्ज करू शकतात.

अग्निवीर वायुसेना 2023 साठी अर्ज प्रक्रिया 17 मार्च 2023 पासून सुरू झाली असून अर्ज करण्याची अंतिम तारीख 31 मार्च 2023 आहे. IAF अग्निवीर परीक्षा 2023 ही 25 मे 2023 रोजी होणार आहे. भारतीय वायुसेना अग्निवीर भारतीसाठी अर्ज करण्यासाठी किमान वयोमर्यादा 17.5 वर्षे आहे तर कमाल वयोमर्यादा 21 वर्षे आहे. IAF अग्निवीर भारती 2023 साठी अर्ज करणाऱ्या उमेदवारांचा जन्म 26 डिसेंबर 2002 ते 26 जून 2006 दरम्यान झालेला असावा.

1-2 नव्हे तब्बल 5000 जागांसाठी मोठ्या भरतीची घोषणा; सेंट्रल बँकेत नोकरीची संधी सोडूच नका; करा अप्लाय

शैक्षणिक पात्रता

विज्ञान विषयासाठी पात्रता: उमेदवारांनी कोणत्याही मान्यताप्राप्त मंडळाकडून 50% गुणांसह गणित, भौतिकशास्त्र आणि इंग्रजी या विषयांपैकी 12 वी किंवा इंटरमिजिएट परीक्षा उत्तीर्ण केलेली असावी. वैकल्पिकरित्या, उमेदवाराने डिप्लोमा कोर्समध्ये किमान 50% गुणांसह 3 वर्षांचा अभियांत्रिकी डिप्लोमा आणि इंग्रजीमध्ये 50% गुणांसह, किंवा भौतिकशास्त्र हा कोणत्याही मान्यताप्राप्त मंडळातून गैर-व्यावसायिक विषय म्हणून आणि गणितासह 2 वर्षांचा व्यावसायिक अभ्यासक्रम केलेला असावा.

विज्ञान व्यतिरिक्त इतर विषयांसाठी पात्रता: इयत्ता 12वी इंग्रजी विषय म्हणून 50% गुणांसह किंवा किमान 50% गुणांसह 2 वर्षांचा व्यावसायिक अभ्यासक्रम. इंग्रजी विषयात 50% गुण असणे आवश्यक आहे.

मोठी बातमी! BSF नंतर आता CISF कडूनही खूशखबर; अग्निवीरांना मिळणार 10% आरक्षण

IAF अग्निवीर भारती साठी निवड प्रक्रिया

उमेदवारांची निवड परीक्षा

शारीरिक चाचणी

कागदपत्रांची पडताळणी

अशी असेल वयोमर्यादा

भारतीय वायुसेना अग्निवीर भारतीसाठी अर्ज करण्यासाठी किमान वयोमर्यादा 17.5 वर्षे आहे तर कमाल वयोमर्यादा 21 वर्षे आहे. IAF अग्निवीर भारती 2023 साठी अर्ज करणाऱ्या उमेदवारांचा जन्म 26 डिसेंबर 2002 ते 26 जून 2006 दरम्यान झालेला असावा.