• Home
  • »
  • News
  • »
  • career
  • »
  • आमचे शिक्षक, मुख्याध्यापक आणि प्राध्यापक यांच्यामुळे दिल्लीत शैक्षणिक क्रांती घडली: अरविंद केजरीवाल

आमचे शिक्षक, मुख्याध्यापक आणि प्राध्यापक यांच्यामुळे दिल्लीत शैक्षणिक क्रांती घडली: अरविंद केजरीवाल

दिल्लीचे मुख्यमंत्री अरविंद केजरीवाल (Arvind Kejariwal) यांनी आनंद व्यक्त केला आहे. त्यांनी शिक्षकांचा उत्साह वाढवणारं ट्विट केलं आहे.

  • Share this:
नवी दिल्ली, 21 ऑक्टोबर: दिल्लीतल्या सरकारी शाळांमध्ये सातत्याने सुधारणा घडवून आणण्यासाठी मुख्यमंत्री अरविंद केजरीवाल यांच्या नेतृत्वाखाली दिल्ली सरकार सातत्याने वेगवेगळे निर्णय घेत आहे. शैक्षणिक दर्जा (Quality of Education) उंचावण्यासाठी शिक्षकांना परदेशात प्रशिक्षण देण्याचा उपक्रम राबवण्यात आला होता. त्यानंतर दिल्ली सरकारने आता शिक्षकांसाठी आयआयएम-अहमदाबाद या नामवंत संस्थेतही प्रशिक्षण कार्यक्रम आयोजित केला आहे. लीडरशिप फॉर एक्सलन्स इन एज्युकेशन ट्रेनिंग (Leadership for Excellence in Education Training) या पाच दिवसांच्या प्रशिक्षण कार्यक्रमात दिल्लीतल्या सरकारी शाळांचे मुख्याध्यापक सहभागी झाले आहेत. सरकारी शाळांचा एक समूह (Group of Government Schools in Delhi) या उपक्रमात सहभागी झाला आहे. त्या उपक्रमातले काही फोटोज दिल्लीच्या शिक्षण संचालनालयाकडून ट्विट करण्यात आली आहेत. या ट्विटवर दिल्लीचे मुख्यमंत्री अरविंद केजरीवाल (Arvind Kejariwal) यांनी आनंद व्यक्त केला आहे. त्यांनी शिक्षकांचा उत्साह वाढवणारं ट्विट केलं आहे. 'आमचे शिक्षक, मुख्याध्यापक आणि प्राध्यापक यांच्यामुळे दिल्लीत शैक्षणिक क्रांती घडून आली आहे. त्यांना आम्ही वेळोवेळी प्रशिक्षणासाठी इंडियन इन्स्टिट्यूट ऑफ मॅनेजमेंटसह परदेशातही पाठवत असतो. जेव्हा ते प्रशिक्षण घेऊन येतात, तेव्हा ते आणखी ऊर्जा आणि उत्साह घेऊन येतात,' असं केजरीवाल यांनी ट्विटमध्ये लिहिलं आहे. हेही वाचा- 24 तासात दोन नवजात मुलींची हत्या, 1 दिवसाच्या बाळाचं आईनंच दाबलं उशीनं तोंड शिक्षण संचालनालयाने (Education Directorate) केलेल्या ट्विटमध्ये म्हटलं आहे, 'सर्वोत्कृष्टतेचा आमचा शोध निरंतर सुरू आहे. दिल्लीच्या सरकारी शाळांच्या मुख्याध्यापकांचा एक गट अहमदाबादमधल्या इंडियन इन्स्टिट्यूट ऑफ मॅनेजमेंट (IIM-Ahmedabad) या संस्थेत पाच दिवसांच्या प्रशिक्षण कार्यक्रमात सहभागी झाला आहे. लीडरशिप फॉर एक्सलन्स इन एज्युकेशन ट्रेनिंग असं या प्रशिक्षण कार्यक्रमाचं नाव आहे. या प्रकारचे नियमित प्रशिक्षण कार्यक्रम आम्हाला सातत्याने नवे मापदंड प्रस्थापित करण्यास प्रोत्साहन देतात.' हेही वाचा- शिर्डी संस्थान पुन्हा एकदा चर्चेत, अधिकाऱ्यानं महिला साईभक्तांना पाठवले अश्लील Video  शिक्षण क्षेत्रावर लक्ष केंद्रित केल्यास त्याचे चांगले परिणाम पुढच्या पिढीवर दिसून येतात. कारण आपल्या देशाचं भविष्य पुढच्या पिढीच्या हातात आहे. त्यामुळे या पुढच्या पिढीला शिकवणारी आजच्या शिक्षकांची पिढीही तितकीच स्मार्ट आणि आताच्या काळातल्या आव्हानांना समजून घेणारी, पेलणारी असणं अपेक्षित आहे. म्हणूनच दिल्ली सरकारकडून शिक्षण क्षेत्रात सुधारणा घडवून आणण्यासाठी सातत्याने प्रयत्न केले जात आहेत. सरकारी शिक्षणसंस्थांमध्ये शिक्षणाच्या तंत्रामध्ये नवे बदल करण्याचं काम केलं जात आहे. दिल्लीच्या शिक्षण क्षेत्रातल्या या प्रयत्नांचा आदर्श अन्य राज्यंही घेण्याचा प्रयत्न करत आहेत.
Published by:Pooja Vichare
First published: