• Home
  • »
  • News
  • »
  • auto-and-tech
  • »
  • Ola स्कूटर खरेदीसाठी आणखी वाट पाहावी लागणार; ऑनलाईन बुकींगची तारीख लांबली

Ola स्कूटर खरेदीसाठी आणखी वाट पाहावी लागणार; ऑनलाईन बुकींगची तारीख लांबली

Ola इलेक्ट्रिक टू-व्हीलर निर्माता कंपनीने यापूर्वीच ऑनलाइन बुकिंगची तारीख 1 नोव्हेंबर ते 16 डिसेंबरपर्यंत वाढवण्याची घोषणा केली आहे. मात्र, आता मिळालेल्या माहितीनुसार, Ola S1 आणि Ola S1 Pro स्कूटर खरेदी करू इच्छिणाऱ्या ग्राहकांना आणखी प्रतीक्षा करावी लागू शकते.

  • Share this:
    मुंबई, 24 नोव्हेंबर : ओला इलेक्ट्रिक स्कूटरची प्रतीक्षा करणाऱ्यांना आणखी वाट पाहावी लागण्याची शक्यता आहे. इलेक्ट्रिक टू-व्हीलर निर्माता कंपनीने यापूर्वीच ऑनलाइन बुकिंगची तारीख 1 नोव्हेंबर ते 16 डिसेंबरपर्यंत वाढवण्याची घोषणा केली आहे. मात्र, आता मिळालेल्या माहितीनुसार, Ola S1 आणि Ola S1 Pro स्कूटर खरेदी करू इच्छिणाऱ्या ग्राहकांना आणखी प्रतीक्षा करावी लागू शकते. कंपनीने संभाव्य ग्राहकांना पाठवलेल्या अधिकृत ईमेलनुसार, Ola इलेक्ट्रिक अपवे स्कूटरचे बुकिंग आता जानेवारी 2022 च्या दुसऱ्या पंधरवड्यात उघडले जाऊ शकते. यापूर्वी ओलाच्या इलेक्ट्रिक स्कूटरच्या डिलिव्हरीला उशीर झाला आहे. कंपनीने सांगितले की, सध्या त्यांचे लक्ष सध्याच्या ग्राहकांना ई-स्कूटर्स वितरीत करणे आणि देशभरातील सुमारे 1,000 शहरे आणि गावांमध्ये टेस्ट राइड्सवर आहे. विविध ठिकाणी टेस्ट राइड आयोजित करणे आणि ऑनलाइन परचेस विंडो उघडणे यामधील संबंधाबाबत ओलाने कोणतीही माहिती दिली नाही. मात्र असे मानले जाऊ शकते की चिपची कमतरता ही एक समस्या असू शकते, जी सध्या संपूर्ण ऑटोमोबाईल उद्योगात दिसून येत आहे. यावेळी ओलाने मात्र त्याच्या परचेस विंडोच्या पुढील तारखेबाबत कोणतीही स्पष्ट तारीख दिलेली नाही.

    एखाद्याच्या मृत्यूनंतर Aadhaar आणि PAN कार्डचं काय करायचं? वाचा काय आहे नियम

    त्याऐवजी, ऑनलाइन बुकिंग जानेवारी 2022 मध्ये उघडता येईल असं बोललं जात आहे. ओलाने मनीकंट्रोलला पुष्टी केली आहे की त्यांनी बुकिंग विंडोमध्ये विलंब झाल्याबद्दल ग्राहकांना ईमेल पाठवला आहे. नवीन बॅचच्या ग्राहकांना बुकींग केल्यानंतर स्कूटरच्या डिलिव्हरीसाठी जास्त वाट पाहावी लागू नये यासाठी हे करण्यात आल्याचे कंपनीने म्हटले आहे.

    WhatsApp Alert! App मधून हटवलं जाणार हे नवं फीचर, जाणून घ्या कारण

    चिपच्या कमतरतेमुळे कंपनीला हा निर्णय घ्यावा लागलाय का असं विचारलं असता, ओलाच्या प्रवक्त्याने सांगितले की चिपच्या कमतरतेमुळे स्कूटरच्या पहिल्या बॅचच्या वितरणास विलंब झाला आहे, ज्यामुळे उर्वरित सर्व बॅचमध्ये थोडा विलंब झाला आहे. आम्ही तुम्हाला सांगतो की, सप्टेंबरच्या मध्यात, ओलाने केवळ दोन दिवसांत 1,100 कोटी रुपयांच्या इलेक्ट्रिक स्कूटरची विक्री केली.
    Published by:Pravin Wakchoure
    First published: