मराठी बातम्या /बातम्या /ऑटो अँड टेक /

बुलेटला टक्कर देण्यासाठी बजाज घेऊन येतोय खास बाइक, जाणून घ्या काय असेल विशेष!

बुलेटला टक्कर देण्यासाठी बजाज घेऊन येतोय खास बाइक, जाणून घ्या काय असेल विशेष!

जावा नंतर होंडानेही यात उडी घेतल्यामुळे बजाजनेही कंबर कसली आहे.  बजाजची Neuron जर बाजारात दाखल झाली तर

जावा नंतर होंडानेही यात उडी घेतल्यामुळे बजाजनेही कंबर कसली आहे. बजाजची Neuron जर बाजारात दाखल झाली तर

जावा नंतर होंडानेही यात उडी घेतल्यामुळे बजाजनेही कंबर कसली आहे. बजाजची Neuron जर बाजारात दाखल झाली तर

  • Published by:  sachin Salve

नवी दिल्ली, 07 ऑक्टोबर : होंडा मोटरसायकल अँड स्कूटर इंडिया (HMSI) ने अलीकडे हायनेस सीबी 350 (Highness CB350) लाँच करून रॉयल एनफील्डला टक्कर दिली आहे, आता बजाज (Bajaj) ने सुद्धा यात उडी घेत एका दमदार बाइकची निर्मितीकडे पाऊल टाकले आहे.

बजाजने आपल्या नवीन  'न्यूरॉन' (Neuron) बाइकचे नाव नोंदवण्यासाठी अर्ज केला आहे. त्यामुळे अशी शक्यता वर्तवली जात आहे की, ही एक क्रुझर बाइक असणार आहे आहे. त्यामुळे या बाइकचा थेट मुकाबला हा रॉयल एनफील्ड  (Royal Enfield) क्लासिक 350, जावा, होंडा हायनेस सीबी 350 या बाइकशी होईल.

परंतु, बजाजकडून अद्याप 'न्युरॉन' बद्दल अधिकृत अशी घोषणा केली नाही. सूत्रांनी दिलेल्या माहितीनुसार, Neuron ही पूर्णपणे एक वेगळी बाइक असणार आहे. जर ही बाइक Sub-400cc क्रुझर बाइक प्रकारात आली तर यामध्ये  डोमिनार 400 चे 373.3cc सिंगल-सिलेंडर इंजिनचा वापर केला जाऊ शकतो.  दुसरी शक्यता अशी की, बजाजने आपली सर्वात लोकप्रिय असलेली  क्रुझर बाइक एव्हेंजरचा आधार घेऊन ही नवीन Neuron तयार केली असावी. एव्हेंजर सीरिजमध्ये  स्ट्रीट 160 आणि क्रुज 220 मॉडेल आहे. स्ट्रीट 160 ची दिल्‍लीमध्ये  सुरुवातीची एक्स शो रूम किंमत ही 99,597 रुपये आहे. तर क्रुझ 220 ची किंमत 1.21 लाख इतकी आहे.

स्ट्रीट 160 मध्ये 160 सीसी इंजिन दिले आहे.  जे 15 PS आणि 13.7 NM चा टार्क जेनेरेट करते. तर क्रुझ 220 मध्ये 220 सीसी सिंगल-सिलेंडर, ऑइल-कूल्ड इंजिन दिले आहे, जे 19.03 PS आणि 17.55 NM इतका टार्क जेनेरेट करते. स्ट्रीट 160 मॉडर्न स्ट्रीट डिझाइन आहे. तर  क्रुझ 220 ही मॉडर्न एलिमेंट्ससह एक प्रीमियम बाइक आहे.

परंतु, बजाजकडे आधीच दोन प्रीमियम क्रुझ बाइक आहे. त्यामुळे या दोन्ही बाइक पेक्षा Neuron ही वेगळी असण्याची शक्यता आहे. याआधीही बजाजने रॉयल एनफील्डला टक्कर देण्याचा प्रयत्न केला होता. डोमिनार 400 ची जाहिरात ही पूर्णपणे रॉयल एनफील्डला टक्कर देण्यासाठी होती. पण, दोन्ही गाड्या या वेगवेगळ्या सेगमेंटमधील होत्या. त्यामुळे ग्राहकांनी डोमिनार 400 ला फार पसंती दिली नाही.  रॉयल एनफील्ड आधीपासून बाजारात आपली जागा कायम राखून आहे. आता  जावा नंतर होंडानेही यात उडी घेतल्यामुळे बजाजनेही कंबर कसली आहे.  बजाजची Neuron जर बाजारात दाखल झाली तर तिची किंमत ही एक्‍स-शोरूम 2 लाख रुपयांसह लाँच करू शकते.

First published: