Home /News /aurangabad /

वंशाच्या दिव्यांना अंत्यसंस्कारापासून रोखलं; मुलींनीच आईला दिला खांदा, कारण वाचून पाणवतील डोळे

वंशाच्या दिव्यांना अंत्यसंस्कारापासून रोखलं; मुलींनीच आईला दिला खांदा, कारण वाचून पाणवतील डोळे

(फोटो-लोकमत)

(फोटो-लोकमत)

Aurangabad: गेल्या वीस वर्षांच्या काळात मुलांना कधीही मायेचा पाझर फुटला नाही. ते कधीही आपल्या जन्मदात्या आईला भेटायला आले नाहीत. अखेर मुलांना भेटण्याची इच्छा अधुरी ठेवून माऊलीनं शनिवारी अखेरचा श्वास घेतला आहे.

    औरंगाबाद, 03 जानेवारी: आईच्या न्यायालयात मुलांचे सर्व गुन्हे माफ होतात, असा एक वाक्यप्रचार मराठीत वापरला जातो. वीस वर्षांपूर्वी उच्चशिक्षित मुलांनी जन्मदात्या आईला घरातून हाकलून दिलं. गेल्या वीस वर्षांपासून मुलींनी आणि जावयांनीच माय माऊलीचा सांभाळ केला. असं असताना मुलांबद्दल कोणताही राग मनात न धरता, आईने तिन्ही मुलांना भेटण्याची इच्छा अनेकदा व्यक्त केली. गेल्या वीस वर्षांच्या काळात मुलांना कधीही मायेचा पाझर फुटला नाही. ते कधीही आपल्या जन्मदात्या आईला भेटायला आले नाहीत. अखेर मुलांना भेटण्याची इच्छा अधुरी ठेवून माऊलीनं शनिवारी अखेरचा श्वास घेतला आहे. यावेळी तीनपैकी दोन मुलांनी आईच्या अंत्यसंस्काराला पाहुण्यांसारखी हजेरी लावली. मुलांच्या अशा वागण्याने संतापलेल्या पाहुण्यांनी आणि बहिणींनी या वंशाच्या दिव्यांना आईच्या अंत्यसंस्कारापासून रोखलं आहे. तिन्ही मुलीनीच आपल्या एका जाऊबाईंच्या मदतीने आईवर अंत्यसंस्कार केले आहेत. ही हृदय पिळवटून टाकणारी घटना औरंगाबाद जिल्ह्याच्या हर्सुल परिसरात घडली आहे. तर चंद्रभागाबाई आनंदा साखळे असं मृत पावलेल्या 90 वर्षीय मातेचं नाव असून त्या मूळच्या सिल्लोड तालुक्यातील लिहाखेडी गावातील रहिवासी आहेत. हेही वाचा- जन्मदात्यांसोबत क्रूरतेचा कळस; पुण्यात मुलाने कोयत्याने आईवर केले वार, बापाची छाटली बोटं मृत चंद्रभागाबाईंनी आपल्या पोटाला चिमटा काढत आपल्या तिन्ही मुलांसह मुलींना शिक्षण दिलं होतं. त्यांचा एक मुलगा सेवानिवृत्त कृषी अधिकारी, दुसरा उच्च न्यायालयात क्लर्क, तर तिसरा मुलगा एका खाजगी कंपनीत उच्च पदावर आहे. असं असताना तीस वर्षांपूर्वी चंद्रभागाबाई यांच्या पतीचं निधन झाल्यानंतर, मुलांनी आईला वाऱ्यावर सोडलं आणि घरातून हाकलून दिलं. त्यानंतर चंद्रभागा यांच्या तीन मुली आणि जावयांनी मायेचा आधार देत त्यांचा सांभाळ केला. गेल्या वीस वर्षांपासून त्या औरंगाबाद येथील मुलगी सुभद्रा आणि जावई श्रीकृष्ण टाकसाळे यांच्यासोबत वास्तव्याला होत्या. हेही वाचा-4 दिवसांपर्यंत सरकारी रुग्णालयाच्या लिफ्टमध्ये अडकली महिला,शेवटी अशी झाली अवस्था दरम्यानच्या काळात आईनं आपल्या मुलांना भेटण्याची इच्छा असल्याचं अनेकदा बोलून दाखवलं. फोन करूनही मुलं आईच्या भेटीसाठी फिरकले नाहीत. अखेर मुलांच्या भेटीविनाच मातेनं जीव सोडला आहे. आईच्या मृत्यूनंतर तीनपैकी दोघांनी पाहुण्यांप्रमाणे अंत्यसंस्काराला हजेरी लावली. यावेळी संतापलेल्या मुलींनी दोन्ही भावांना आईच्या अंत्यसंस्कारापासून रोखलं आहे. तिन्ही बहिणींनी आपल्या एका जाऊबाईंच्या मदतीने आईवर अंत्यसंस्कार केले आहेत.
    Published by:News18 Desk
    First published:

    Tags: Aurangabad

    पुढील बातम्या