साप्ताहिक राशीभविष्य: 2023च्या पहिल्याच आठवड्यात तुमच्या राशीला होणार त्रास? काय सांगताहेत ग्रह; वाचा

आज दिनांक १ जानेवारी २०२३. वार रविवार. तिथी पौष शुक्ल दशमी . आजपासून सुरू होणाऱ्या नवीन वर्षाच्या सर्व बांधवांना हार्दिक शुभेच्छा. सर्वांना दीर्घायू,आरोग्य आणि समृद्धी मिळो. या आठवड्यातील होणारे ग्रह गोचर म्हणजे शुक्र बुध मकर राशीत असून त्रिग्रही योग बनेल .शनि देखील मकर राशीत भ्रमण करीत आहे. गुरू मीन राशीत विराजमान असतील. मेष राशीत राहू व तुला राशीत केतू गोचर सुरू आहे मकर चंद्र मेष राशीत असेल. मंगळ वृषभ राशीत आहे. रवि धनू राशीत असेल .या सर्व ग्रहस्थितीनुसार पाहूया साप्ताहिक राशी भविष्य.(लग्नानुसांर)

मेष

राशीत असलेल्या राहू चंद्रा मुळे मेष व्यक्ती काहीसे संभ्रमित होतील. मन विचलित राहील.राहू दान, शिवपूजा करावी. दशम स्थानातील शनि कार्यक्षेत्रात अनेक संधी , उपलब्ध करून देण्यात मदत करील. शुक्र कार्यालयीन जीवनात उच्च फळ देईल. गुरू धार्मिक कार्यक्रमात सहभागी होण्याचा योग आणेल . सप्तम केतू जोडीदाराच्या प्रकृती विषयी आशंका निर्माण करेल. परदेश संबंधी कागदपत्र बनतील..एकूण आठवडा हा लाभ देणारा ठरेल.

वृषभ

राशीच्या व्यय स्थानात राहू व षष्ठ केतू आरोग्याच्या समस्या निर्माण करेल . शुक्र बुध संतान लाभ मिळवून देईल. भावंडांचे सुख मिळेल. नोकरीच्या ठिकाणी एखादी व्यक्ती त्रासदायक ठरू शकते. धार्मिक निष्ठा तीव्र होतील. अधिकारी व्यक्तीची भेट होईल . मंगळ खर्चाचे योग आणेल. सप्ताह उत्तम फळ देणारा ठरेल .

मिथुन

शुक्र बुध भ्रमण मकर राशीत झाले आहे. कष्ट देणारा असा हा बदल आहे .रोग ऋण शत्रू वाढतील. पंचम केतू संतती संबंधी वार्ता देईल. नवीन कला शिकण्याची इच्छा होईल. दशमातील गुरू परदेश प्रवास,धार्मिक , भाग्यकारक घटना घडवून आणेल . मंगळ अधिकार प्राप्ती करून देईल. फक्त सावध रहा. गृह सौख्य मिळेल. सप्ताह उत्तम जाईल.

कर्क

शुक्र बुध कार्य स्थळ, किंवा घरात बदल घडवून आणेल . एखादी आकर्षक नवीन व्यक्ती भेटेल.. भाग्यातील गुरू शुभ असून वडिलांकडून लाभ देइल. प्रवास योग आनंद देतील . शनि मकर राशित मार्गी आहे. गुरू शुभ संकेत घेऊन येईल. जोडीदाराची काळजी घ्या. चंद्र भ्रमण मातुल घरामध्ये काही विशेष घटना घडवेल. सप्ताह शुभ.

सिंह

राशी स्वामी रवि पंचमात तर शष्ठ स्थानात शुक्र आर्थिक लाभ होतील . पोटाचे त्रास होऊ शकतात. चंद्र भ्रमण शुभ असून संतती योग येतील.वैवाहिक जीवनात काही बदल संभवतात . जोडीदाराला काही मोठे लाभ होऊ शकतात. लवकरच आयुष्यात बदल घडण्याचे संकेत आहेत. कार्य क्षेत्रात काम करत रहाल . सप्ताह शुभ.

कन्या

हा सप्ताह सर्व दृष्टीने संथ आणि काही विशेष ना घडता जाईल.रोजची काम कंटाळवाणी वाटतील.आर्थिक दृष्ट्या मात्र आठवडा चांगला जाईल.जवळपास फिरायला जाण्याचे योग येतील. संतती ही तुमची प्राथमिकता असेल सप्तम गुरू तुम्हाला विवाह योग आणेल. चर्चा होईल. विजय तुमचाच होणार आहे. काळजी घ्या.सप्ताह अनुकूल.

तुला

षष्ठ स्थानातील गुरू प्रवास,घरासाठी काही खर्च असा योग आणेल. अविवाहित व्यक्तींना आकर्षक व्यक्ती भेटेल.संतती सुख मिळेल. राशीतील केतू स्वभावात बदल घडवेल . आई वडिलां च्या प्रकृतीची काळजी घ्या.त्यांना वेळ द्या. सप्ताहाच्या शेवटी घर आणि वाहन यासंबंधी नवीन प्रस्ताव येतील. आर्थिक दृष्ट्या सप्ताह अनुकूल राहील

वृश्चिक

षष्ठ राहू आणि व्यय केतू गोचर परदेश संबंधी घडामोडी घडतील. संतती सुख लाभेल.वैवाहिक सुखाच्या दृष्टीने आता काळ बरा आहे.नवीन घर , वाहन यासंबंधी लौकर निर्णय घ्या.काहीही अनावश्यक खर्च करू नका. बुध शुक्र सुखद अनुभव देतील. चंद्र भ्रमण शष्ठ स्थानात आहे. कुटुंबाची काळजी घ्या. सप्ताह उत्तम.

धनु

या आठवड्यात गेल्या काही दिवसापासून जाणवत असलेला मानसिक आणि शारीरिक त्रास हळूहळू कमी होईल. खर्चाचे प्रमाण वाढेल पण अनेक मार्गांनी पैसा येईल. तृतीय स्थानातील ग्रह परदेश संबंधी घटना घडवतील. चतुर्थ गुरू शुभ असून आर्थिक वाढ करील. पराक्रम आणि चिकाटीने तुम्ही प्रत्येक कामात यश मिळवाल. सप्ताहात अनेक शुभ फल मिळतील.

मकर

चतुर्थ स्थानात राहू हा स्थान परिवर्तन ,घरामध्ये मोठे बदल करण्यासाठी अनुकूल आहे .बुध शुक्र नवीन अधिकारी व्यक्तीची भेट घडवेल. स्त्री वर्गा कडून लाभ मिळेल. महत्वाचे फोन , निरोप येतील. वाणी तेजस्वी होईल.शनि मुळे होणारे कष्ट आता कमी होईल. आर्थिक लाभ, कुटुंबात वाढ संभवते. सप्ताह आनंदी जाईल.

कुंभ

तृतीय राहू आणि भाग्यात केतू तुम्हाला पराक्रमी बनवेल .भावंडांशी संबंध ताणले जातील.धार्मिक आस्था वाढतील . राशीचे धन स्थानातील गुरू स्वभावात सौम्यता आणील..व्यय स्थानात बुध काही घटनांचे संकेत देईल. आर्थिक लाभ होतील. प्रकृतीचे त्रास जाणवतील. जपून रहा. सप्ताह मिश्र फळ देईल.

मीन

राशी स्वामी गुरू वक्री आहे .एकूण शरीर तेजस्वी होईल. शनि बुध शुक्र लाभ स्थानात काळजी घ्या, अधिकारी व्यक्तींना नाराज करू नका असे सुचवीत आहे. सध्याचा काळ हा बदलांचा आहे. कुठलेही निर्णय घाईने घेऊ नका . विशेषतः नोकरी संबंधी सावध रहा.पण लाभ होतील. आर्थिक स्थिती ठीक राहील एकूण सप्ताह मध्यम जाईल.

शुभम भवतू!!