कोणालाही जामीन राहणं आज टाळा; या राशीच्या लोकांनी प्रयत्नपूर्वक शांत राहिलेलंच बरं

मेष -

आयुष्यात येणाऱ्या मोठ्या व्यक्तींचा आधार घेऊन आज दिवस शांततेत घालवा. प्रकृती जपा. घरामध्ये सत्संग घडेल. जास्तीची जबाबदारी पार पाडाल. कुटंब आणि आर्थिकदृष्ट्या मध्यम दिवस.

वृषभ -

तोंडातून निघालेले कठोर वचन वैवाहिक जीवनात हानी करतील हे लक्षात ठेवा. काही कलहाचे प्रसंग येतील, जपून रहा. प्रवास, नातेवाईक भेट संभवते. भावंडं आनंदी असतील. दिवस सुखद.

मिथुन -

बुद्धिवादी स्वभाव असला तरी काहीसे भ्रमित करणारे वातावरण आहे. कागदपत्रे आणि सह्या जपून करा. चूक होऊ शकते. कोणालाही जामीन राहणे टाळा. व्यवसाय आणि आर्थिकदृष्ट्या उत्तम दिवस.

कर्क -

भाग्य गुरू, राशीतील चंद्र मानसिक स्थितीवर उत्तम परिणाम करेल. शांती अनुभव कराल. वैवाहिक जीवन सुखदायक आहे. संततीला वेळ द्या. प्रवास आनंददायी ठरतील. नवीन व्यक्तींशी भेट संभवते. दिवस उत्तम.

सिंह -

राज राशी असून सध्या शत्रू प्रबळ आहे. कारण गुरूचे पाठबळ नाही. व्यय चंद्र अष्टम गुरू आर्थिकदृष्ट्या कष्ट देईल. अलर्जीचे विकार होतील. प्रकृती जपून काम करा. कार्य क्षेत्रात अधिकारी व्यक्तीची भेट होईल. दिवस मध्यम.

कन्या -

समाज आणि शैक्षणिक क्षेत्रात नवीन संधी मिळतील. संतती सुख मिळेल. लाभ चंद्र जोडीदार भेट घडवून आणेल. तसेच आर्थिक लाभ होतील. प्रवास योग येतील. दिवस शुभ.

तूळ -

शुक्र घरामध्ये मोठ्या सुधारणा घडवून आणेल. खर्च भरपूर होईल पण सुख-सोयीमध्ये वाढ होईल. कार्य क्षेत्रात नवीन संधी मिळतील जबाबदारी येईल. प्रवासात जपून रहा. दिवस चांगला.

वृश्चिक -

मंगळाच्या दृष्टीने वृश्चिक व्यक्ती काहीशा तापट आणि उत्तेजीत असते. प्रयत्नपूर्वक शांत रहा. वैवाहिक जीवनात वादळ येऊ शकते. पंचम चंद्र ,धार्मिक कार्यक्रम ,संतती यासाठी उत्तम फळ देईल.

धनू -

गुरुकृपा असली तर कुठल्याही संकटातून मार्ग निघतो याचा प्रत्यय येईल. चतुर्थ गुरू अष्टम चंद्र दिवसभर हुरहूर लावेल. प्रकृती नरम राहील. लौकरच बदल होतील. दिवस मध्यम.

मकर

गंभीर व्यक्तिमत्वाला रविच्या उपस्थितीमुळे एक तेज मिळेल. कला प्रकारात रुची निर्माण करेल. प्रवास योग येतील. संतती आणि जोडीदारासोबत आनंदाने दिवस घालवाल.

हे वाचा - नोकरी, व्यवसायासाठी शुभकाळ; सूर्याचं राशीपरिवर्तन या राशींना देईल 'छप्पर फाडके'

कुंभ -

शनी प्रधान असलेली कुंभ रास रोग ऋण शत्रूपासून त्रस्त आहे. प्रकृती जपा. नातेवाईकांची भेट होईल. लिखाणामध्ये यश मिळेल. आर्थिक लाभ होतील. व्यवसाय-नोकरीसाठी उत्तम दिवस.

मीन -

राशी स्वामी स्वराशीत आहे. ओजस व्यक्तिमत्व आणि सामाजिक जीवनात अनेक गोष्टींमुळे प्रसिद्धी असा हा काळ आहे. संतती सुख मिळेल. आध्यात्मिक अनुभव येतील. दिवस उत्तम .

शुभ भवतू!!