आनंदी जीवनाची वाट सापडेल, पण आज या राशीच्या लोकांनी प्रवासात काळजी घ्या

मेष

आनंदी जीवनाची वाट सापडेल. घरात सुखद वातावरण राहील. नकारात्मक विचारांना दूर ठेवा. जास्तीचे काम काढून घराची सजावट करण्याकडे कल राहील. तसेच उंची वस्तूंची खरेदी होईल. दिवस शुभ.

वृषभ

आज चंद्र राशी स्थानातून भ्रमण करीत आहे. अधिकारी भेट किंवा संपर्क होईल. प्रवासाचे योग येतील. धार्मिक बाबी, घरात शुभ समारंभ घडतील. भाग्यातील रवी नोकरीत बढतीचे संकेत देत आहे. दिवस शुभ.

मिथुन

आज चंद्र व्यय स्थानातून भ्रमण करीत आहे. आर्थिक आणि कौटुंबिक जबाबदाऱ्या पूर्ण कराल. अष्टमातील ग्रह जपून राहण्याचे संकेत देत आहेत. काही त्रास होऊ शकतो. दिवस मध्यम.

कर्क

आज चंद्र लाभ स्थानात असून सकारात्मक विचार देईल. कामात पारदर्शकता येईल. वैवाहिक जीवनात सुख राहील. जमवून घ्या. नवीन व्यक्तींशी संपर्क होईल. दिवस उत्तम.

सिंह

आज चंद्र-मंगळ दशम स्थानात असेल. काही कारण नसताना खर्च किंवा मनस्ताप संभवतो. गुरू बल नसल्याने हिम्मत कमी राहील. स्वतः मध्ये सुधारणा करा. आरोग्य जपा. नुकसान टाळायचा प्रयत्न करा. दिवस मध्यम.

कन्या

राशीच्या पंचम स्थानातून रवि भ्रमण प्रतिष्ठा देणारे असून सामाजिक घडामोडी दर्शवित आहे. मित्र मैत्रिणीसोबत दिवस व्यतीत करा. नकोसे विचार टाळा. भाग्यात चंद्र आहे वैवाहिक आयुष्य बरे राहील. दिवस शुभ.

तूळ

आज दिवस पाहुणे मंडळींची भेट, समारंभ, प्रवास अशा बाबींमध्ये यश देईल. नवीन व्यक्तींची ओळख होईल. संतती चिंता सतावेल, प्रकृतीची काळजी घ्यावी लागेल. दिवस मध्यम.

वृश्चिक

सप्तम स्थानातील चंद्र व्यावसायिक कार्यक्रम हाती घेण्यात आणि घरासंबंधी काही निर्णय घेण्यास योग्य आहे. आर्थिक लाभ होईल. मोठ्या व्यक्तींचा सहवास लाभेल. जोडीदाराची काळजी घ्या. दिवस चांगला.

धनु

आज दिवस संथ जाईल. मन रमणार नाही. फिरून या. आरोग्य सांभाळा. नकारात्मक व्यक्ती आणि विचार दूर ठेवा. कार्य करण्यासाठी प्रवृत्त व्हाल. आर्थिकदृष्ट्या दिवस बरा आहे.

मकर

वैवाहिक जीवन आणि जोडीदार यांची काळजी घेण्याचा आज दिवस आहे. मौजमजेसाठी प्रवास करताना जपून राहा. संतती चिंता वाटेल. आर्थिक दृष्ट्या एकूण दिवस बरा आहे.

कुंभ

राशी स्थानातील शनी भ्रमण हे रोग, ऋण, शत्रूपासून सावध रहा, असे आवाहन करीत आहे. प्रकृती नाजूक राहील. घरात कलह टाळा. वैवाहिक जीवनात कुरबुरी होतील. दिवस बरा.

हे वाचा - आनंददायी, मोहक, प्रभावशाली असतात R आद्याक्षराच्या व्यक्ती; भावतो त्यांचा हा गुण

मीन

आज दिवस भावंडं भेट, सामाजिक जीवनात लाभ घेऊन येईल. शिक्षण घेत असताना संपूर्ण एकाग्र राहावे. प्रलोभने येतील. भावंडांशी कलह किंवा त्यांना प्रकृतीचे त्रास संभवतात. दिवस मध्यम जाईल.

शुभम भवतू!!