दैनंदिन राशीभविष्य : कुंभ राशीवर विशेष जबाबदारी येण्याची शक्यता; मकरच्या राशीत प्रवास योग, जाणूण घ्या तुमचं भविष्य

आज दिनांक 16 ऑगस्ट 2021 आज दुसरा श्रावण सोमवार आहे. तिथी श्रावण शुद्ध अष्टमी. आजची शिवामूठ आहे तिळ. आज चंद्र दिवसभर वृश्चिकेत असणार आहे.

मेष

आज दिवस फारसा अनुकूल नाही. मन अशांत राहील. आर्थिक बाजू ठीक आहे. अचानक कोणीतरी येण्याची शक्यता आहे. प्रकृती जपा. दिवस मध्यम.

वृषभ

आज व्यवसाय उत्तम फळ देईल. मानसिक ताण जाणवेल. घरात काही तरी निर्णय होईल. जोडीदाराची साथ मिळेल. दिवस चांगला आहे.

मिथुन

राशीच्या षष्ठ स्थानातील चंद्र भ्रमण प्रकृतीकडे लक्ष असू द्या, असे सुचवित आहे. नोकरीत काम जास्त पडेल. दिवस चांगला जाईल.

कर्क

मुलांना आणि घरच्या लोकांना वेळ द्या. शिक्षणात उत्तम प्रगती, वाचन लिखाण यात वेळ जाईल. आर्थिक घडामोडी होतील. दिवस बरा जाईल.

सिंह

द्वितीय शुक्र आणि चतुर्थ चंद्र घरांमधे भरपूर खर्च करवणार आहेत. राशीतील मंगळ बुध काही त्वचेचे विकार निर्माण करतील. गुरुकृपा राहील. दिवस शुभ.

कन्या

आज छोटेसे जवळपासचे प्रवास घडतील. महत्त्वाचा निर्णय, किंवा संभाषण होईल. भावंड भेट देतील. प्रकृती ठीक राहील. दिवस चांगला जाईल.

तुला

राशीच्या धनस्थानातील चंद्र भ्रमण आर्थिक लाभ मिळवून देईल. कार्यक्षेत्रातील प्रगती सुरू राहील. कुटुंबात काही छान घटना घडेल. दिवस शुभ.

वृश्चिक

राशीतील चंद्र राहूच्या दृष्टीत आहे. मन थोडे अशांत राहील. संभ्रमात पडाल. घरात पाहुणे येण्याची शक्यता आहे. धार्मिक कार्यासंबंधी बोलणी होतील. दिवस चांगला.

धनु

व्यय स्थानातील चंद्र भ्रमण वाढलेला खर्च, दगदग दाखवत आहे. भाग्य मात्र साथ देईल. वडील व्यक्तींची मदत होईल. दिवस मध्यम जाईल.

मकर

राशीच्या लाभ स्थानातील चंद्र प्रवास योग, गाठीभेटी, आणि लाभकारक आहे. प्रकृती जपा. एकट्याने प्रवास करणे टाळा. अध्यात्मिक साधना होईल. दिवस शुभ.

कुंभ

कामाच्या ठिकाणी आज जास्तीचे काम, विशेष जबाबदारी पडेल. आर्थिक बाजु ठीक राहील. प्रकृती ठीक राहील. जोडीदार मदत करतील. दिवस अनुकूल.

मीन

राशीच्या भाग्य स्थानातील चंद्र भ्रमण आज आध्यात्मिक अनुभव देईल. तुमचा प्रभाव वाढेल. घरातील शांतता जपा. काहींना प्रवास योग येतील. दिवस चांगला जाईल.

शुभम भवतु!!