फ्रेंडशिप डेच्या आधीच प्रेमाचा स्वीकार नाही केला म्हणून मैत्रिणीचा खून

ठाण्यात एक हृदय हेलावून टाकणारी घटना घडलीये. एकतर्फी प्रेमातून एका तरुणीवर एका तरुणाने चाकूनं हल्ला करून तिची हत्या केलीये.

मुंबई, 04 आॅगस्ट : उद्या सगळीकडे फ्रेंडशिप डे साजरा होतोय. त्यासाठी सगळ्या बाजारपेठा गिफ्ट्सनी सजल्यात. पण ठाण्यात एक हृदय हेलावून टाकणारी घटना घडलीये. मैत्रीला नकार दिला म्हणून मित्रानंच आपल्या मैत्रिणीचा खून केला.  एकतर्फी प्रेमातून एका तरुणीवर एका तरुणाने चाकूनं हल्ला करून तिची हत्या केलीये. आज सकाळी ११ वाजता ही घटना घडली असून ठाण्यातल्या नितीन कंपनी जवळील वाहतूक पोलीस चौकीला लागून असलेल्या एका गल्लीत प्राची झाडे नावाच्या एक तरुणी जात असताना तिला विकास पवार नावाच्या मुलाने थांबवले आणि तिझ्याशी हुज्जत घालण्यास सुरुवात केली. ही बाचाबाची नंतर भांडणापर्यंत पोहोचली आणि आकाश पवार नावाच्या तरुणाने प्राचीला थेट चाकूनं पोटात भोसकलं आणि नंतर तिच्या अंगावर सपासप वार केले आणि तो फरार झाला.  हा विकास पवार ठाण्यातील काल्हेर परिसरात राहणारा असून पोलीस त्याचा शोध घेतायेत. 

तो सपासप वार करत असताना रस्त्यावरते लोक बघ्याची भूमिका घेत होते.

Trending Now