घरबसल्या असा बदला आधार कार्डवरील फोन नंबर आणि पत्ता

तुमच्या आधार कार्डवर तुमचा जुना फोन नंबर लिंक आहे आणि तो तुम्हाला बदलायचा आहे का? तसं असेल तर आता त्यासाठी तुम्हाला कुठेही बाहेर जाण्याची गरज नाही.

घरबसल्या तुम्ही तुमच्या आधार कार्डवरील फोननंबर आणि पत्ता बदलू शकता. आज आम्ही तुम्हाला घरबसल्या मोबाइलवरून फोन नंबर आणि पत्ता कसा बदलू शकतो ते सांगणार आहे. आधार वरून नवीन मोबाइल नंबर लिंक करण्यासाठी सर्वात आधी सेल्फ सर्व्हिस पोर्टलवर (self Service Portal) म्हणजेच ssup.uidai.gov.in. या साइटवर जावं लागेल. इथे तुम्हाला तुमचा १२ अंकी आधार नंबर टाकावा लागणार आहे. त्यानंतर पेजवरील कॅप्चा किंवा सिक्युरिटी कोड टाकावा लागेल. ही प्रक्रिया पुर्ण केल्यानंतर OTP वर क्लिक करा. OTP तुमच्या जुन्या मोबाईल नंबरवर येईल. OTP टाकल्यावर सबमिटवर क्लिक करा. त्यानंतर एक नवीन पेज उघडेल.

त्याचबरोबर जर तुमचा जुना मोबाईल नंबर डीएक्टिवेट झाला असेल आणि जर तुम्हाला तो अपडेट करायचा असेल तर तुम्ही जवळच्या केंद्रात जाऊन करू शकता. अशा पद्धतीने तुम्ही तुमचं नाव, पत्ता, जन्म तारीख आणि ईमेल अपडेट करू शकता. ईमेल आयडी आणि फोननंबर बदलण्यासाठी कुठल्याही कागदपत्रांची गरज नाही. पण नाव, पत्ता, जन्म तारखेसाठी मात्र पासपोर्ट, पॅन कार्ड, रेशन/ पीडीएस फोटो कार्ड, वोटर आईडी आणि ड्राइव्हिंग लायसंस द्यावे लागतील.

Trending Now