S M L

वांद्रे स्टेशनजवळ झोपडपट्टीत लागलेली आग विझली

वांद्रे पूर्वमधील गरीबनगर सिलेंडरचा स्फोट होऊन मोठी आग लागली होती. अतिक्रमन विभागाची कारवाई सुरू असतानाच ही आग भडकली होती.

Chandrakant Funde | Updated On: Oct 26, 2017 07:02 PM IST

वांद्रे स्टेशनजवळ झोपडपट्टीत लागलेली आग विझली

मुंबई, 26 ऑक्टोबर : वांद्रे स्टेशनजवळच्या गरीबनगर झोपडपट्टीत लागलेली आग विझलीये. दुपारी अतिक्रमण विभागाची कारवाई सुरू असताना अचानक आग लागली. त्यानंतर जवळपास चार सिलेंडरचे स्फोट झाले.

 

आग भडकल्यानं अग्निशमनदलाच्या 22 गाड्या घटनास्थळी बोलावण्यात आल्या होत्या. आगीत अनेक झोपड्या जळून खाक झाल्या. सुदैवानं कोणतीही जीवितहानी झालेली नाही. . या आगीची छळ थेट रेल्वेच्या तिकिट खिडकीपर्यंत पोहोचल्याने हार्बर लाईनची सेवा तात्पुरती बंद ठेवण्यात आली होती. तसंच या परिसरातली वाहतूकही बंद ठेवण्यात आली होती. ज्यावेळी अतिक्रमणविरोधी कारवाई सुरू असते त्यावेळी या झोपडपट्टीत आग लागल्याची घटना यापूर्वीही घडली होती. त्यामुळे आगीमागं संशयाचा धूर असल्याची शक्यता आहे.

अतिक्रमण विभागाच्या कारवाईदरम्यान, एका सिलेंडरचा स्फोट झाल्यानं ही आग भडकलीय. प्रशासनाने कारवाई करण्याआधी माहिती पूर्वसूचना देणं अपेक्षित होतं. असं स्थानिक नगरसेवकाने म्हटलंय.

 

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Oct 26, 2017 06:56 PM IST

लोकप्रिय बातम्या

ताज्या बातम्या

News18 Lokmat
close