S M L

राहुल गांधी आजपासून मराठवाडा दौऱ्यावर

आज मराठवाड्यात नांदेड आणि परभणी जिल्ह्यात जाऊन ते शेतकऱ्यांची भेट घेणार आहे.

Chittatosh Khandekar | Updated On: Sep 8, 2017 08:35 AM IST

राहुल गांधी आजपासून मराठवाडा दौऱ्यावर

08 सप्टेंबर: काँग्रेस उपाध्यक्ष राहुल गांधी आजपासून मराठवाडा दौऱ्यावर आहेत. आज मराठवाड्यात नांदेड आणि परभणी जिल्ह्यात  जाऊन  ते शेतकऱ्यांची भेट घेणार आहे.

आज नऊच्या सुमारास राहुल गांधी नांदेड एअरपोर्टवर पोचतील. नांदेडमध्ये त्यांच्या उपस्थितीत पक्षाच्या पदाधिकाऱ्यांचा विभागीय मेळावा होणार आहे. तिथून परभणीत पूर्णा तालुक्यातील एरंडेश्वर इथं दुपारी बाराच्या सुमारास शेतकऱ्यांशी ते संवाद साधणार आहे. त्यानंतर परभणी शहरातील नूतन महाविद्यालयाच्या मैदानावर दुपारी दीड वाजता आयोजित जाहीर संघर्ष सभेला ते संबोधित करणार आहेत.

याशिवाय जिल्ह्यातील २०० व्यापारी, वकील आणि इतर प्रतिष्ठित व्यक्तींची ते बैठकही घेणार आहेत. त्यांच्या दौऱ्यानिमित्त काँगेसकडून शहरात जोरदार तयारी करण्यात आली आहे. अनेक ठिकाणी मोठे मोठे बॅनर, होर्डिंग लावण्यात आले आहेत. तर भव्य असा सभा मंडपही उभारण्यात आलाय. मोठ्या प्रमाणावर पोलीस बंदोबस्तही तैनात करण्यात आलाय.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Sep 8, 2017 08:35 AM IST

लोकप्रिय बातम्या

ताज्या बातम्या

News18 Lokmat
close