S M L

ओखी वादळाचा हर्णे बंदराला फटका

पाजपंढरी - आडे -उटंबर बुरोंडी किनारपट्टीवर रात्री समुद्राला आलेल्या उधाणाने काही ठिकाणी समुद्राचे पाणी घरात घुसलं होतं.

Chittatosh Khandekar | Updated On: Dec 5, 2017 10:42 AM IST

ओखी वादळाचा हर्णे बंदराला फटका

05 डिसेंबर:  ओखी वादळाचा परिणाम  रत्नागिरी जिल्ह्यातील हर्णे भागालाही बसलाय.  पाजपंढरी - आडे -उटंबर बुरोंडी किनारपट्टीवर रात्री समुद्राला आलेल्या उधाणाने काही ठिकाणी समुद्राचे पाणी घरात घुसलं होतं.

दापोली जवळ  किनाऱ्यावरील मच्छिमारी बोटी, मच्छिमारी सेंटर , बर्फ सेंटरचं नुकसान झालंय. ओखी वादळाचा केंद्रबिंदू गुजरातच्या दिशेने असला तरीही ओखी वादळाचा परिणाम कोकण किनारपट्टीवर जाणवू लागला आहे.

आज सकाळपासूनच जोरदार वारा सुरू आहे. समुद्र अजूनही काही अंशी खवळलेला आहे, नेहमीपेक्षा लाटांची उंची सुद्धा अधिक आहे पावसाचे वातावरण असल्यामुळे लोकांना सतर्कतेचा इशारा प्रशासनाने दिला आहे .

रत्नागिरीच्या राजीवडा आणि मांडवी परिसरात भरतीचे पाणी रस्त्यावर आले होते तर सिंधुदुर्गात आचरा पिरावाडी भागातही पाण्याचं प्रमाण वाढलं होतं . मात्र रविवारच्या तुलनेत सोमवारी रात्री परिस्थिती आटोक्यात होती .  सध्या कोणताही धोका नसला तरी प्रशासनानं बचाव यंत्रणा सज्ज ठेवलीये.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Dec 5, 2017 10:42 AM IST

लोकप्रिय बातम्या

ताज्या बातम्या

News18 Lokmat
close