S M L

बंपर सेलमधल्या गाड्यांची विक्रमी विक्री, गाड्या संपल्यानं 'शटरडाऊन'

सुप्रीम कोर्टाने BS-III इंजिन असलेल्या गाड्यांच्या खरेदी-विक्रीला बंदी घातल्याने, धाबे दणाणलेल्या वाहन कंपन्यांनी गाड्यांवर भरघोस सूट दिली आहे.

Samruddha Bhambure | Updated On: Mar 31, 2017 03:19 PM IST

बंपर सेलमधल्या गाड्यांची विक्रमी विक्री, गाड्या संपल्यानं 'शटरडाऊन'

31 मार्च :  सुप्रीम कोर्टाकडून बीएस-3 (भारत स्टॅण्डर्ड स्टेज) मानंकनातील इंजिन असलेल्या वाहनांच्या खरेदी -विक्रीला 1 एप्रिलपासून बंदी घालण्यात आल्याने वाहन कंपनन्यांचे धाबे दणाणले आहे. या वाहनांचा साठा मोठ्या प्रमाणात असल्याने बीएस-3 गाड्यांच्या किंमतीत बंपर डिस्काऊंट देण्यात आलं आहे. पण हे डिस्काऊंट संपायला आता अवघे काही तास उरले आहेत.

अनेक कंपन्यांनी गाड्यांच्या किंमतीत जवळपास 12 ते 22 हजारांपर्यंत सूट दिली आहे. त्यामुळे ग्राहकांनी गाड्यांच्या शोरूममध्ये प्रचंड गर्दी केली आहे. नागपूर, पुणे आणि औरंगाबाद या सारख्या शहरांमध्ये तर गाड्या ‘आऊट ऑफ स्टॉक’ असल्यानं ग्राहकांना निराश होऊन परतावं लागलं आहे. नागपूरमध्ये तर एका दिवसात एका शोरूममध्यू चक्क सहाशे गाड्यांची विक्रमी विक्री झाली आहे.

शोरूम आज रात्री 12 वाजेपर्यंत राहणार सुरू :

महत्त्वाची बाब म्हणजे राज्यातील गाड्यांचे शोरूम आज गाड्यांच्या खरेदी-विक्रीसाठी रात्री 12 वाजेपर्यंत सुरू असणार आहे. ऑटोमोबाईल डीलर्स असोसिएशन हा निर्णय जाहीर केला आहे. 31 मार्चपर्यंत वाहनांची खरेदीविक्री झाली तर त्यांची नोंदणी नंतरही करता येऊ शकते, असे परिवहन विभागाकडून स्पष्ट करण्यात आलं आहे. त्यामुळे आज गाड्यांच्या शोरूम बाहेर ग्राहकांची झुंबड पाहायला मिळतीये.

काय आहे गाड्यांची बंपर सूट?

  • बीएस-3 इंजिन असलेल्या सगळ्या गाड्यांवर 5 ते 20 हजारांपर्यंत सूट
  • बीएस म्हणजे भारत स्टॅंडर्ड स्टेज, प्रदूषणाचं केंद्रानं दिलेलं मानक म्हणजे बीएस
  • बीएस मानक हे भारतातल्या सर्व वाहनांसाठी लागू आहे, युरोप, अमेरिकेतही अशी मानकं
  • प्रदूषणावर नियंत्रणासाठी वेळोवेळी बीएस मानकं ठरवण्यात येतात, आता बीएस-4 लागेल
  • आता सूट असलेल्या बीएस-3च्या गाड्या नंतर चालू रहाणार, ग्राहक विकूही शकतो

कोणत्या गाड्यांवर किती सूट ?

  • ड्युएट, मेस्ट्रो एज, प्लेजर - 12 हजार 500 रु. सूट
  • HF डिलस्क सिरीज - 5 हजार रुपये सूट
  • स्प्लेंडर प्लस - 5 हजार सूट
  • ग्लॅमर, एक्स्प्रो, आयस्मार्ट 100 - 7 हजार 500 सूट
  • अॅक्टिव्हा 3G -13 हजारपर्यंत सूट
  • सीबीआर स्पोर्ट्स बाईक - 22 हजार हजारपर्यंत सूट
  • होंडा नवी - 20 हजारापर्यंत सूट

भारत स्टेजचा इतिहास :

टप्पा

साल

युरो टप्प्याशी तुलना

युरोपात कधी   लागू झालं

 

बीएस 1

2000

युरो 1

1993

बीएस 2

2001

युरो 2

1996

बीएस 3

2005

युरो 3

2000

बीएस 4

1 एप्रिल 2017

युरो 4

2005

बीएस 5

वगळणार

युरो 5

2009

बीएस 6

एप्रिल 2020

युरो 6

2014

 

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Mar 31, 2017 03:00 PM IST

लोकप्रिय बातम्या

ताज्या बातम्या

News18 Lokmat
close